Beno Mět
serbski dźiwadźelnik From Wikipedia, the free encyclopedia
Beno Mět (němsce Benno Mieth; * 6. junija 1925 w Hatach, † 1. apryla 2011 we Weinsbergu, Badensko-Württembergska) bě serbski dźiwadźelnik, kiž hraješe předewšěm charakterowe róle w ludowym dźiwadle.
Syn skałarja absolwowaše po Druhej swětowej wójnje dźiwadłowe wukubłanje. Prěni angažement dósta 1950 při Serbskim ludowym dźiwadle w Budyšinje. Slědowachu angažementy při Choćebuskim dźiwadle (1956), Budyskim měšćanskim dźiwadle (1958 a 1961), Dźiwadle młodeje generacije w Drježdźanach (1959), Dźiwadle hórnikow w Złym Komorowje (1962), Krajnym dźiwadle w Hali nad Solawu (1972) a wot 1990 do 1996 znowa při zjednoćenym Němsko-Serbskim ludowym dźiwadle w Budyšinje. Nimo toho měješe Mět wjacore róle w telewiznych filmach kaž na přikład w rjedźe Polizeiruf 110. W lěće 2002 skutkowaše sobu we filmje Tonija Bruka Tři pjeršćenje.
Beno Mět měješe třoch synow z mandźelskej Johannu, rodźenej Mrozec. Jeho wnučka Nicole Mieth je tohorunja dźiwadźelnica.
- Benno Mieth verstorben. W: Freie Presse dnja 4. apryla 2011
- Filmografija Bena Měta w Mjezynarodnej datowej bance filmow (IMDb) (jendź.)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
