Arabske morjo

Arabske morjo je dźěl Indiskeho oceana mjez Aziju a Afriku. Na wuchodźe mjezuje z Indiskej połkupu, na sewjeru z Iranom a Pakistanom, a na zapadźe z Omanom a Jemenom na Arabskej połkupje a ze Somaliju w Africe. Arabske morjo je přez Adenski zaliw z Čerwjenym morjom zwjazane (a dale přez Suezski kanal ze Srjedźnym morjom) a přez Omanski zaliw z Persiskim zaliwom.

Arabske morjo
Mapa Arabskeho morja
Hłubokosć	4 625 m
Šěrokosć	2 400 km
Dołhosć	2 000 km
Přestrjeń	3 832 000 km²
Nadrjadowane morjo	Indiski ocean
Kontinent	Afrika, Azija
Staty	Indiska, Pakistan, Iran, Jemen, Oman, Somalija
p • d • w

Morjo ma přestrjeń wot nimale štyrjoch milionow kwadratowych kilometrow a maksimalnu hłubokosć wot 4 625 metrow.

Wuznamne města a přistawy Arabskeho morja su na přikład Bombay w Indiskej, Maskat w Omanje a Karači w Pakistanje.

Wotkaz

 Commons: Arabske morjo – Zběrka wobrazow, widejow a awdiodatajow

15.91666666666763.9