Žymjerojce
wjes w Delnjej Łužicy From Wikipedia, the free encyclopedia
Žymjerojce (němsce Simmersdorf) su wjes na juhu Delnjeje Łužicy we wokrjesu Sprjewja-Nysa, kotraž słuša wot lěta 2002 do gmejny Tśěšojce-Žymjerojce.
| |||||
| gmejna: | Tśěšojce-Žymjerojce | ||||
| zagmejnowanje: | 2001 | ||||
| wobydlerstwo: | 258 (2018) | ||||
| přestrjeń: | 8,65 km² | ||||
| wysokosć: | 86 metrow n.m.hł. | ||||
51.69083333333314.60638888888986 | |||||
| póstowe čisło: | 03149 | ||||
| předwólba: | 035695 | ||||
| wotwodźene słowa: |
| ||||
wikidata: Žymjerojce (Q37380959) | |||||
Wjes nadeńdźe so w Delnjej Łužicy při Małksy, něhdźe štyri kilometry južnje Baršća a njedaloko wujězda awtodróhi A15 (Błóta–Wrócław). Přez Žymjerojce wjedźe zwjazkowa dróha 115 z Baršća do Běłeje Wody. Hač do lěta 1996 měješe wjes tež zastanišćo při železniskej čarje Běła Woda–Baršć. Rěčka Małksa tworja hranicu mjez Žymjerojcami a Tśěšojcami.
Susodne wjeski su Domašojce na sewjerozapadźe, Tśěšojce na wuchodźe, Kósmejce na juhu kaž tež Smaržow a Jaty na zapadźe.
Prěnje pisomne naspomnjenje Žymjerojc pochadźa z lěta 1510. Mjeno bu najskerje wotwodźene wot staroserbskeho wosoboweho mjena Žiwoměr. Wjes měješe kubło, kotremuž słušeše nanajpozdźišo wot lěta 1835 wodowy młyn. Cyrkwinsce słušeja Žymjerojce do Tśěšojčanskeje wosady.
Hač do lěta 2001 tworjachu Žymjerojce samostatnu gmejnu, kotraž so potom ze susodnymi Tśěšojcami zjednoći.
Wobydlerstwo
Po statistice Arnošta Muki rěčeše w Žymjerojcach srjedź 1880tych lět hišće 75 wot cyłkownych 203 wobydlerjow delnjoserbsce (37 %).[1] Po swědčenju wěsteho šołty Jakuba z Małeho Kólska móžachu tehdy hišće wšitcy wobydlerjo nad 50 serbsce, tući mjez 30 a 50 serbsce rozumjachu a trochu tež powědachu, z dźěćimi a młodostnymi so pak jenož hišće němsce rěčeše.[2]
W statistice Arnošta Černika z lěta 1956 so wjes hižo njejewi, dokelž tam mjeztym nichtó wjace serbsce njerěčeše.
| wuwiće wobydlerstwa w Žymjerojcach wot 1875 do 2000[3] | |||||||||||||
|---|---|---|---|---|---|---|---|---|---|---|---|---|---|
| lěto | wobydlerstwo | lěto | wobydlerstwo | lěto | wobydlerstwo | ||||||||
| 1875 | 197 | 1939 | 379 | 1981 | 324 | ||||||||
| 1890 | 198 | 1946 | 414 | 1985 | 310 | ||||||||
| 1910 | 306 | 1950 | 419 | 1989 | 299 | ||||||||
| 1925 | 289 | 1964 | 367 | 1995 | 303 | ||||||||
| 1933 | 344 | 1971 | 355 | 2000 | 321 | ||||||||
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
