Zdźarowska cyrkej
ewangelska wosadna cyrkej w Hornjej Łužicy / From Wikipedia, the free encyclopedia
Zdźarowska cyrkej je ewangelsko-lutherska cyrkej we Wulkich Zdźarach w Budyskim wokrjesu. Wona słuži ewangelskej wosadźe Wulke Zdźary w cyrkwinskim wokrjesu Šleska Hornja Łužica ewangelskeje cyrkwje Berlin-Braniborska-šleska Hornja Łužica. Dźensniši cyrkwinski twar pochadźa z lěta 1782. Hač do 20. lětstotka je so tu tež serbsce prědowało.
Wokoło Zdźarowskeje cyrkwje nadeńdźe so kěrchow z jeničkim wobchowanym narownym kamjenjom ze serbskim napisom. Při kěrchowskej muri steji tež wojerski pomnik za padnjenych Prěnjeje swětoweje wójny, kiž měješe prěnjotnje tež serbski napis.
Ewangelska cyrkej we Wulkich Zdźarach steji jako kulturny pomnik pod škitom.