wjes w Budyskim wokrjesu, gmejnski dźěl Kubšic From Wikipedia, the free encyclopedia
Wysoka (němsce Weißig) je hornjołužiska wjeska w sakskim wokrjesu Budyšin, kotraž słuša z lěta 1974 ke gmejnje Kubšicy. Leži něhdźe 320 m nad mórskej hładźinu a ma 24 wobydlerjow.[2]
| |||||
gmejna: | Kubšicy | ||||
zagmejnowanje: | 1936 (do Sowrjec) | ||||
wobydlerstwo: | 24 (31. decembra 2021)[1] | ||||
přestrjeń: | 0,64 km² | ||||
wysokosć: | 313–333 metrow n.m.hł. | ||||
51.14514.498611111111313–333 | |||||
póstowe čisło: | 02627 | ||||
předwólba: | 035939 | ||||
wotwodźene słowa: |
| ||||
![]() Powětrowy wobraz Wysokeje (2019) | |||||
wikidata: Wysoka (Q160606) |
Ze šěsć ležownosćow wobstejaca wjeska leži šěsć kilometrow juhowuchodnje Budyšina a tři kilometry južnje Kubšic při sewjernej skłoninje Brězowskeje hory (385 m). Susodne wsy su Brězow na sewjeru, Sowrjecy a Šekecy na sewjerowuchodźe, Rachlow na juhowuchodźe, Delany na juhu, Splósk a Lubjenc na juhozapadźe kaž tež Zrěšin na sewjerozapadźe.
Michał Rostok naliči 1887 slědowace serbske ležownostne mjena we Wysokej: Pječica, Horjeńca, Deleńca, Kut, Hórka.[3]
W lěće 1931 namakachu na hórce zapadnje Wysokeje row ze srjedźeneje bronzoweje doby.
Prěnje historiske naspomnjenje jako Wysag[4] bě w lěće 1400. Wjesne mjeno poćahuje so na geografiske połoženje wysoko nad susodnymi wsami. Wysoka bě kaž bliska Torońca jedna z wonych wjeskow, kiž podstejachu Budyskej měšćanskej radźe. Tež cyrkwinsce přisłušeše wona prěnjotnje Michałskej wosadźe, bu pak pozdźišo přefarowana do blišeje Bukečanskeje cyrkwje, po tym zo chodźachu wobydlerjo hižo dlěši čas na tamniše kemše.
Hač do lěta 1936 bě Wysoka samostatna gmejna.
Po statistice Arnošta Muki měješe wjeska we 1880tych lětach cyłkownje 42 wobydlerjow, z nich 39 Serbow a třo Němcy.[5]
Jako kulturne pomniki připóznate su kamjentny pućnik při křižowanišću sewjernje wjeski kaž tež dwě chěžce třistronskeho statoka Wysoka čo. 7.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.