![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6a/Karte_M%25C3%25A4hrerreich_Svatopluk_I.png/640px-Karte_M%25C3%25A4hrerreich_Svatopluk_I.png&w=640&q=50)
Wulkomorawske mócnarstwo
historiske zapadosłowjanske mócnarstwo / From Wikipedia, the free encyclopedia
Wulkomorawske mócnarstwo (čěsce Velkomoravská říše, słowaksce Veľkomoravská ríša, němsce Großmährisches Reich, Mährerreich abo Großmähren, łaćonsce Regnum Moravuorum abo Moravia Magna) běše srjedźoeuropski stat zažneho srjedźowěku a prěni wjetši słowjanski stat, kotryž so we 8. abo 9. lětstotku załoži a po dwěmaj lětstotkomaj w lěće 906 z dźělenjom do Morawskeho knježerstwa abo zwjazka małych wjerchowstwow (906–1029) a Wuherskeje rozpušći, při čimž bě jako prěnje mjenowane ze zakładom pozdźišeje Čěskeje (zwjazk krajow Čěskeje Króny) a druhe zakład Wuherskeho kralestwa. Wulkomorawske mócnarstwo knježeše nad dźělemi dźensnišich statow Čěska, Awstriska, Słowakska, Madźarska, a tež nad mjeńšimi dźělemi dźensnišeje Pólskeje, Němskeje, Ukrainy a Słowjenskeje. Tež tehdyši kraj Serbow při Solawje steješe sčasami pod morawskim knježerstwom. Jadro Wulkomorawskeho mócnarstwa běštej (stare) Morawske wjerchowstwo (de facto přitočnišćo rěki Morawy na dźensnišej Morawje, w Awstriskej a Słowakskej) a Nitranske wjerchowstwo (de facto přitočnišćo rěki Waha).
![Thumb image](http://upload.wikimedia.org/wikipedia/commons/thumb/6/6a/Karte_M%C3%A4hrerreich_Svatopluk_I.png/640px-Karte_M%C3%A4hrerreich_Svatopluk_I.png)
![Thumb image](http://upload.wikimedia.org/wikipedia/commons/thumb/7/73/Letter_svatopluk.jpg/640px-Letter_svatopluk.jpg)
![Thumb image](http://upload.wikimedia.org/wikipedia/commons/thumb/9/9d/K%C5%99%C3%AD%C5%BE_z_Mikul%C4%8Dic.png/320px-K%C5%99%C3%AD%C5%BE_z_Mikul%C4%8Dic.png)