![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d7/Wocho%25C5%25BEanska_jama_%25282009%2529.jpg/640px-Wocho%25C5%25BEanska_jama_%25282009%2529.jpg&w=640&q=50)
Wochožanska jama
brunicowa jama w Zhorjelskim wokrjesu / From Wikipedia, the free encyclopedia
Wochožanska jama (němsce Tagebau Nochten) je brunicowa jama firmy LEAG we Łužiskim brunicowym rewěrje na sewjeru Hornjeje Łužicy. Nadeńdźe so juhowuchodnje Běłeje Wody w serbskim sydlenskim rumje mjez Wochozami na juhu a Slepom na sewjeru. Wot brunicoweje jamy bjezposrědnje potrjechene su teritorije gmejnow Běła Woda, Trjebin a Hamor w Mužakowskej holi. Zapadnu hranicu jamy twori Sprjewja.
![Thumb image](http://upload.wikimedia.org/wikipedia/commons/thumb/d/d7/Wocho%C5%BEanska_jama_%282009%29.jpg/640px-Wocho%C5%BEanska_jama_%282009%29.jpg)
Z jamy wudobywaja lětnje někak 18 milionow tonow brunicy za Hamorsku milinarnju.
Přihotowanske dźěła kaž wotwódnjenje zahajichu so w lěće 1960. 1968 započinachu z bagrowanjom a hižo dwě lěće do toho bu wjeska Miłoraz zdźěla přesydlena. 1979 bu wosadna wjes Čelno wotbagrowana. W planowanym wudobywanskim pasmje běchu serbske wjeski Miłoraz, Rowno a Mułkecy wohrožene wot wotbagrowanja. Hižo zhubił je so tak mjenowany Bělkowski pralěs. W měrcu 2017 rozsudźi LEAG, nowy mějićel łužiskich jamow, zo so jama wjace njerozšěrja hač do Rownoho a Mułkec. Wobydlerjo Miłoraza rozsudźichu so porno tomu nimale jednotnje za přesydlenje.