![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/be/Lake_Victoria_1968.jpg/640px-Lake_Victoria_1968.jpg&w=640&q=50)
Viktoriaski jězor
From Wikipedia, the free encyclopedia
Viktoriaski jězor je najwjetši jězor w Africe a po Kaspiskim morju a Hornym jězoru třeći najwjetši cyłeho swěta. Słuša k wuchodoafriskim statam Ugandźe, Tansaniji a Keniji. Ma přestrjeń wot nimale 69.000 km², štož wotpowěduje Bayerskej abo Irskej, a je hač do 85 metrow hłuboki. Podłu jeho přibrjohow je wjace hač 30 milionow ludźi žiwych.
w1
Viktoriaski jězor Lake Victoria | |
---|---|
![]() Karta jězora | |
Geografija | |
stat(y) | Uganda, Tansanija, Kenija |
přitoki | Kagera |
wotběh | Viktoriaski Nil |
přibrjóžne sydlišća | Entebbe, Mwanza, Jinja, Kisumu |
Daty | |
wysokosć | 1134 m n.m.hł. |
přestrjeń | 68.870 km² |
rozměry | 337x250 km |
wolumen | 2.760 km³ |
hłubokosć | |
přerězna | 40 m |
maksimalna | 85 m |
Jězor leži wosrjedź wuchodoafriskeje wysokeje runiny. Najwjetši přitok je w Ruandźe so wužórlaca Kagera; jenički wulki wottok je Viktoriaski Nil w sewjeru, kiž je zdobom najwažniši přitok Nila.
Viktoriaski jězor bu přez natwarjenje haćenja „Owen Falls Dam“ při Viktoriaskim Nilje w lěće 1954 kumštnje powjetšeny a wužiwa so wot toho časa tež za dobywanje energije. Dla husteho wobsydlenja podłu přibrjohow ma jězor wjele ekologiskich problemow, kaž na přikład womazanje wody a njedostatk kislika.