Těchlovice nad Labem
gmejna we Wusčanskim kraju, Čěska From Wikipedia, the free encyclopedia
Těchlovice nad Labem (němsce Tichlowitz) su wjes a gmejna při prawym, wuchodnym brjoze Łobja w sewjernej Čěskej. Nadeńdu so w sewjernym dźělu Čěskich srjedźnych horin, něhdźe jednaće kilometrow južnje Děčína. Słušeja k Děčínskemu wokrjesej Wusčanskeho kraja (Ústecký kraj).
| ||
| Wopon | ||
|---|---|---|
| ||
| Zakładne daty | ||
| stat |  Čěska | |
| kraj |  Wusće | |
| wysokosć | 145 metrow n.m.hł. | |
| přestrjeń | 10,48 km² | |
| wobydlerstwo | 525 (1. jan 2018)[1] | |
| hustosć zasydlenja | 50 wob. na km² | |
| póstowe čisło | 407 12 | |
| adresa | Těchlovice 37 405 02 Děčín 2 | |
| webstrona | techlovice-dc.cz | |
 | ||
| Wjeršk Vrabinec | ||
50.69527777777814.211944444444
Gmejna wobsteji ze wsow Babětín (Babutin), Přední Lhota (Nieder Wellhotten), Přerov (Pschüra), Těchlovice a Zadní Lhota (Ober Wellhotten). Susodne gmejny su Děčín na sewjeru, Heřmanov a Verneřice na wuchodźe, Malé Březno na juhu a Dobkovice za Łobjom na zapadźe.
Přez Těchlovice wjedźe nadregionalna železniska čara Kolín–Děčín, kotraž bu 1874 zahajena. W bliskosći wsy nadeńdźe so Buková hora z Děčínskej telewizijnej wěžu.
Wjes załoži so prawdźepodobnje hižo w 10. abo 11. lětstotku w běhu słowjanskeho wobsydlenja Łobjoweje doliny. Prěnje pisomne naspomnjenje wosady Tyechleuicz pochadźa z lěta 1360. Na skalnym wjeršku Vrabinec nadeńdu so powostanki hroda Sperlingstein.
Při wulkej wodźe w awgusće 2002 zničichu so w Těchlovicach 25 chěžow.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
