![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/16/Silver_Bar_01.jpg/640px-Silver_Bar_01.jpg&w=640&q=50)
Slěbro
From Wikipedia, the free encyclopedia
Slěbro je chemiski element ze symbolom Ag a rjadowej ličbu 47. Wone słuša k přechodnym metalam. W periodowym systemje steji słěbro w 5. periodźe a prěnjej pódlanskej skupinje (skupina 11) resp. koporowej skupinje. Elementowy symbol Ag je wotwodźeny wot łaćonskeho słowa argentum za „slěbro“. Slěbro je jedyn z drohometalow.
![Thumb image](http://upload.wikimedia.org/wikipedia/commons/thumb/1/16/Silver_Bar_01.jpg/640px-Silver_Bar_01.jpg)
Wone je mjechke, derje formujomny ćežkometal, kotryž ma najlěpšu kmanosć elektriskeho powoda wot wšěch elementow a najlěpšu kmanosć powoda ćopłoty wot wšěch metalow.
Čłowjek wužiwaše slěbro něhdźe wot pjateho lěttysaca do Chrystusa. Sčasami płaćeše jako drohotniše hač złoto. W srjedźowěku hrajachu Rudne horiny wulku rólu při wudobywanju slěbra w srjedźnej Europje, pozdźišo bu wjetšina slěbra wudobywana w Južnej Americe.