stolica Sewjerneje Makedonskeje From Wikipedia, the free encyclopedia
Skopje (makedonsce Скопје) je stolica a najwjetše město Sewjerneje Makedonskeje. Ze swojimi 540.000 wobydlerjemi móže so Skopje zarjadować do srěnjowulkich městow Europy a je tróšku wjetše po powjerchu hač Lipsk. Skopje leži w Skopskej dolinje, kotraž je z wysokimi horami wobdata. Mjez najwyšimi horami su Šarplanina na zapadźe, Skopska Crna Gora na hranicy z Kosowom a na sewjeru Skopja a na juhu ležitej Jakupica a Karadžica.
| ||
Wopon | ||
---|---|---|
| ||
Zakładne daty | ||
stat | ![]() | |
přestrjeń | 571,46 km² | |
wobydlerstwo | 537.478 (2012) | |
hustosć zasydlenja | 940,5 wob./km² | |
póstowe čisło | 1000 | |
předwólba | (+) (+389) 02 | |
awtowa značka | SK | |
Zarjadnistwo | ||
adresa | Boulevard Ilinden
1000 Skopje | |
webstrona | skopje.gov.mk | |
Politika | ||
měšćanosta | Petre Šilegov | |
Blisko Skopja dawa wjacore kumštne jězory, mjez druhim Matka.
Město Skopje so prěni raz naspomni přez Klaudiusa Diolomeja pod swojim starym mjenom Skupi. W třećim lětstotku do Chrystusa bu Skupi wot Dardancow załoženy, pozdźišo, z přijězdom Romancow, bu Skupi z dźělom Romskeho mócnarstwa. W tutej dobje rozkćě město mócnje na wšelakich polach a bu z wažnym cyrkwinskim srjedźišćom ze sydłom biskopa. W lěće 518 bu město přez wulke zemjerženje zničene. Hač do dźensnišeho dnja pak su rjane romske twarjenja kaž zjawne kupjele a amfiteatry w měsće dodźeržane. Po zemjerženju běše město swoje wobličo dospołnje zhubiło a je nastało město Justiniana prima. Na kóncu 6. lětstotka zasydlichu so słowjanske kmjenje z Karpatow. Wokolina Skopja bě wot kmjenow Beregheziti wobydlana, kiž spožčichu městu nowe mjeno Skopje.
Dnja 26. julija 1963 zemrě jako wuslědk ćežkeho zemjerženja mjez 1.000 a 1.100 ludźi, mjez tym zo bu znajmjeńša 3.000 ranjenych. 200.000 ludźi wosta bjez swojeho domu. Njeposrědnje po zemjerženju rjekny prezident Juhosłowjanskeje Josip Broz Tito: „Skopje njewidźanu katastrofu dožiwi, ale budźe znowa natwarjene. Skopje so stanje z hordosću bratrowstwa a jednoty, juhosłowjanskeje a swětoweje solidarity.” Dźensa naspomnja hišće ruiny stareho dwórnišća na katastrofu.
Wot lěta 1991 je Skopje stolica njewotwisneje Republiki Makedonskeje.
W tehdyšim osmaniskim Üskübje narodźi so w lěće 1910 Agnes Gonxha, pozdźišo znata jako rjadniska sotra a misionarka Mać Tereza.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.