Sawa

Sawa (w juhosłowjanskich rěčach Sava abo kyrilisce Сава) je prawy a najwjetši přitok Dunaja, kotryž w Julskich Alpach ze žórlicow Velika a Mala Savica nastanje a Słowjensku, Chorwatsku a Serbisku přeběži. Nimo toho twori rěka dźěl chorwatsko-bosniskeje hranicy. Wona je z 945 kilometrami po Tysy a Pruće třeći najdlěši přitok Dunaja a najwažniša rěka Słowjenskeje a Chorwatskeje. Při njej abo w bjezposrědnjej bliskosći namakaja so stolicy Ljubljana, Zagreb a Běłohród. W Běłohrodźe so Sawa do Dunaja wuliwa.

Sawa

Sava, Сава
Sawa w Běłohrodźe
ćeče přez	Słowjensku, Chorwatsku, Bosnisku-Hercegowinu, Serbisku
žórło	pod Triglavom w sewjerozapadnej Słowjenskej (46° 20′ 39″ S, 14° 9′ 19″ W46.34416666666714.155277777778 )
wuliw	w Běłohrodźe do Dunaja (44° 49′ 54″ S, 20° 26′ 59″ W44.83166666666720.449722222222 )
rěčina	Ljubljanica, Krka, Kupa, Una, Vrbas, Bosna, Drina
dołhosć	945 km
přestrjeń rěčiny	95.419 km²

Jeje najwažniše přitoki su Krka a Kupa w Słowjenskej a z Bosniskeje pochadźace rěki Una, Vrbas, Bosna a Drina.

Sawa je wot chorwatskeho města Sisak hač do Dunaja pławna a twori po powšitkownej definiciji hromadźe z Dunajom sewjernu mjezu Balkanskeje połkupy.

Wotkaz

 Commons: Sawa – Zběrka wobrazow, widejow a awdiodatajow