Rychwałdska jama
brunicowa jama w Hornjej Łužicy / From Wikipedia, the free encyclopedia
Rychwałdska jama (němsce Tagebau Reichwalde) je wotkryta brunicowa jama we Łužiskim brunicowym rewěrje, kotruž firma LEAG wobhospodarja. Brunicowa jama leži w sewjerowuchodźe sakskeje Hornjeje Łužicy a bu po susodnej wsy Rychwałd pomjenowana. Z brunicu, kotraž leži w tutej kónčinje něhdźe 85 metrow pod zemskim powjerchom so jeničce Hamorska milinarnja zastara.
Dotalne wudobywanišćo rozpřestrěwa so na cyłkownje něhdźe tři króć pjeć kilometrach na teritorijomaj Hamora a Rěčic w Zhorjelskim wokrjesu. Jama so w 1980tych lětach wotewri a mjezuje w sewjeru na wojerske zwučowanišćo, we wuchodźe na gmejnu Rěčicy, w juhu na Rychwałd a w zapadźe na Krynhelecy.
Brunicowa woršta je w Rychwałdźe mjez dźewjeć do dwanaće metrow sylna. Cyłkownje leža w Rychwałdskim wudobywanišću něhdźe 366 milionow tonow brunicy.