Pretoria
stolica Južneje Afriki / From Wikipedia, the free encyclopedia
Pretoria (tež Tshwane) je stolica republiki Južneje Afriki a sydło eksekutiwy. Nimo njeje matej tež měsće Kapstadt jako sydło parlamenta (legislatiwy) a połlětne sydło knježerstwa wot januara do junija a Bloemfontein jako sydło najwyšeho sudnistwa (judikatiwy) někotre funkcije stolicy. Pretoria nadeńdźe so na sewjeru kraja w prowincy Gauteng na wysokosći wot nimale 1400 metrow nad mórskej hładźinu a něhdźe 56 kilometrow sewjernje Johannesburga. Leži w škitanym, ćopłym a płódnym dole, wobdate wot hórskeho rjećaza Magaliesowych horin a słuša k měšćanskej gmejnje Tshwane. Z nimale 750.000 wobydlerjemi w měsće a třomi milionami w metropolowym rumje słuša k najwjetšim městam Južneje Afriki.
| ||
Wopon | ||
---|---|---|
| ||
Zakładne daty | ||
stat | Južna Afrika | |
prowinca | Gauteng | |
wysokosć | 1.367 metrow n.m.hł. | |
přestrjeń | 687,54 km² | |
wobydlerstwo | 741.651 (2011) | |
hustosć zasydlenja | 1.078,7 wob./km² | |
webstrona | tshwane.gov.za | |
Union Buildings, sydło knježerstwa | ||
Město je stejišćo třoch uniwersitow.
W Pretoriji knježi subtropiska klima z přerěznymi maksimalnymi temperaturami wot 18,9° C w juniju hač do 28,5° C w januarje. Zymske měsacy mjez meju a septembrom su suche; wjetšina dešća pada mjez nowembrom a januarom.