Pastwina hora
From Wikipedia, the free encyclopedia
Pastwina hora (němsce Hutberg) je 293 metry wysoka hora a woblubowane wulětnišćo na kromje Kamjenca w Hornjej Łužicy. Namaka so zapadnje měšćanskeho centruma a sewjerowuchodnje Lěpkarjec a słuša k Zapadołužiskej pahórčinje. Park na horje bu w lěće 1893 wot Wilhelma Weißa jako měšćanske zelenišćo připrawjeny. Wón je sławny dla wjele wšelakorych družin koniferow kaž tež dla wulkeje ličby rododendronow a acalejow, kotrež wokoło swjatkow kćěja.
51.2722214.07778
W srjedźišću parka a zdobom na wjeršku hory namaka so 18 metrow wysoka Lessingowa wěža, kotraž so w lěće 1868 natwari, kaž tež hórski hosćenc. Wottam maja wopytowarjo dobry wuhlad na město a přez pahórčinu kaž tež přez płonu hatowsku krajinu w sewjeru.
Hač do kónca 19. lětstotka bě hora nimale dospołnje hoła a bu jako měšćanske pastwišćo wužiwana. Z toho pochadźa tež němske mjeno Hutberg, kotrež nima ničo z kłobukami činić. Na Pastwinej horje namaka so stacija 66 kralowsko-sakskeje triangulacije.
Hora wobsteji ze šěrowca.
Jewišćo pod hołym njebjom bu za čas nacionalsocializma w lětomaj 1934/35 jako schadźowanišćo za pochody natwarjene. Ke kompleksej słušeše tež pomnik za padnjenych Prěnjeje swětoweje wójny, kotryž so po kóncu Druheje swětoweje wójny wottorha. Pastwina hora słuša dźensa k najwjetšim jewišćam pod hołym njebjom w cyłej Sakskej. Tam wustupichu po znowazjednoćenju Němskeje mjez druhimi Joe Cocker, Deep Purple, Lynyrd Skynyrd, Jethro Tull, Status Quo a Howard Carpendale. Swjatkowne koncerty Puhdyjow su wot 1990tych lět kóždolětna tradicija.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
