prezident Kazachstana From Wikipedia, the free encyclopedia
Nursultan Nazarbajew (kazachsce Нұрсұлтан Әбішұлы Назарбаев wurěkowanje ? / i; * 6. julija 1940 w Šamalganje, Kaskelenski rajon, oblasć Alma-Ata, Kazachska SSR, Sowjetski zwjazk) je kazachski politikar, kiž bě wot 1990 do 2019 ze statnym prezidentom Kazachstana.
W sowjetskej dobje bě najprjedy předsyda ministerskeje rady Kazachskeje SSR a wot 22. junija 1989 hač do 28. awgusta 1991 generalny sekretar Komunistiskeje strony Kazachskeje SSR. Dnja 24. apryla 1990 bu wot Wyšeho sowjeta, kazachskeho parlamenta, za prezidenta woleny. Po rozpadźe Sowjetskeho zwjazka bu we wólbach bjez napřećiwnika dnja 1. decembra 1991 w zastojnstwje wobkrućeny. W lěće 2010 pomjenowa jeho parlament za „wjednika naroda“ (kazachsce Ұлт Лидері/Ult Lideri) a spožči jemu a jeho swójbje prawnisku imunitu.
Dnja 19. měrca 2019 wozjewi 78-lětny Nazarbajew swój wotchad ze zastojnstwa. Wón bě posledni z něhdyšich komunistiskich stronskich šefow, kiž steješe hišće na čole jedneje z bywšich sowjetskich republikow. Za naslědnika pomjenowa bywšeho wonkowneho ministra Qasyma-Žomarta Toqajewa. Nasarbajew wosta jako předsyda nowozałoženeje wěstotneje rady dale w rozsudźacej poziciji, bu pak w běhu namócnych protestow spočatk januara 2022 wot Toqajewa z tutoho zastojnstwa wuwjazany.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.