![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fe/Milo_%25C4%2590ukanovi%25C4%2587_in_2010.jpg/640px-Milo_%25C4%2590ukanovi%25C4%2587_in_2010.jpg&w=640&q=50)
Milo Đukanović
čornohórski politikar / From Wikipedia, the free encyclopedia
Milo Đukanović (* 15. februara 1962 w Nikšiću, Juhosłowjanska) je čornohórski politikar a běše wot 2018 do 2023 druhi raz ze statnym prezidentom Čornohórskeje. Wón bě najwuznamniši politikar swojeho kraja po přewróće a bě wjacekróć premier (1991–98, 2002–06, 2008–10, 2012–16) a jónu tež prezident (1998–2002) republiki. Nimo toho bě wot 1997 do 2023 předsyda Demokratiskeje strony socialistow Čorneje Hory.
![Thumb image](http://upload.wikimedia.org/wikipedia/commons/thumb/f/fe/Milo_%C4%90ukanovi%C4%87_in_2010.jpg/640px-Milo_%C4%90ukanovi%C4%87_in_2010.jpg)
Đukanović studowaše hospodarske wědomosće a zastupi we wosomdźesatych lětach do Zwjazka komunistow Juhosłowjanskeje. Po rozpadźe Juhosłowjanskeje sta so w lěće 1991 prěni raz z ministerskim prezidentom. Po nutřkostronskim wojowanju wo móc přesadźi so přećiwo Momirej Bulatovićej a zdoby prezidentowe wólby 1998. Wojowaše za statnu njewotwisnosć Čorneje Hory wot Serbiskeje a docpě tutón cil přez ludowe wothłosowanje dnja 21. meje 2006. Při parlamentowych wólbach 2009 slubi Čornohórjanam bórzomny přistup Europskej uniji a NATO-u.
Při wólbach 2023 podleži dołholětny wodźacy muž Čornohórskeje z 41 procentami swojemu wužadarjej Jakovej Milatovićej.