Oblasć Lwów
oblasć (wobwod) na Ukrainje From Wikipedia, the free encyclopedia
Oblasć Lwów abo Lwówska oblasć (ukrainsce Львівська область/Lwiwska oblast) je oblasć na zapadźe Ukrainy, sewjernje Karpatow. Stolica a zdobom najwjetše město je Lwów (Lwiw). Oblasć ma něhdźe 2,5 milionow wobydlerjow na přestrjeni wot 21.800 kwadratnych kilometrow a słuša tuž k wjetšim oblasćam Ukrainy.
49.66723.661
| Львівська область (uk.) | |||
|---|---|---|---|
| |||
| Zakładne daty | |||
| přestrjeń | 21.833 km² | ||
| wobydlerstwo | 2.538.400 (2014) | ||
| hustosć zasydlenja | 116 wob./km² | ||
| stolica | Lwów | ||
 | |||
| awtowa značka | BC | ||
| webstrona | loda.gov.ua | ||
Oblasć mjezuje na zapadźe z Pólskej a tuž z Europskej uniju. Susodne ukrainske oblasće su Wołynska na sewjeru, Riwne a Ternopilska na wuchodźe, Iwanofrankiwska na juhowuchodźe a Zakarpatska na juhu.
Najwažnišej rěce na teritoriju oblasće stej Dnjestr, kotrež so w Lěsnych Karpatach na juhu Lwówskeje oblasće wužórli, a Zapadny Bug, kiž přeběži sewjerny dźěl oblasće.
Oblasć Lwów wobsteji z 20 rajonow a dźewjeć městow, kotrež podsteja bjezposrědnje zarjadnistwu oblasće. To su města:
Najwjetši dźěl dźensnišeje oblasće słušeše wot 1772 do rakuskeho kraja Galiciska a sta so po Prěnjej swětowej wójnje z dźělom Pólskeje. Za čas Druheje swětoweje wójny wojowachu tu Polacy, sowjetske wójsko, ukrainscy zběžkarjo kaž tež němske wójsko.
.jpg)
Lwówska oblasć ma sobu najwjetši podźěl ukrainskorěčnych wobydlerjow wot wšěch oblasćow. Hač do holocausta měješe region tež sylne židowske wobydlerstwo, kotrež wučinješe w někotrych městach wjetšinu.
| narodnosć | wobydlerjo | 1989 (%) | 2001 (%) | změna (%)[1] |
|---|---|---|---|---|
| Ukrainjenjo | 2.471.000 | 90,4 | 94,8 | +0,3 % |
| Rusojo | 92.600 | 7,2 | 3,6 | −52,6 % |
| Polacy | 18.900 | 1,0 | 0,7 | −29,5 % |
| Běłorusojo | 5.400 | 0,4 | 0,2 | −49,6 % |
| maćeršćina | 1989 (%) | 2001 (%)[2] |
|---|---|---|
| ukrainšćina | 90,1 | 95,3 |
| rušćina | 8,8 | 3,8 |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
