stolica Sambije From Wikipedia, the free encyclopedia
Lusaka je stolica afriskeho stata Sambija a z wjace hač 1,7 milionami wobydlerjow zdobom jeho najwjetše město. Nadeńdźe so w južnym dźělu centralneho platowa we wysokosći wot 1250 metrow nad mórskej hładźinu. Lusaka je hospodarske a politiske srjedźišćo Sambije a jedne z najspěšnišo rosćacych městow afriskeho kontinenta.
| ||
Zakładne daty | ||
---|---|---|
stat | ![]() | |
wysokosć | 1.250 metrow n.m.hł. | |
přestrjeń | 418 km² | |
wobydlerstwo | 1.747.200 (2010) | |
hustosć zasydlenja | 4.179,9 wob./km² | |
webstrona | lcc.gov.zm | |
![]() | ||
Lusaka w nocy | ||
Železniske čary zwjazuja stolicu z městami Livingstone, Ndola, Kasama a Nakonde. Mjezynarodne lětanišćo Lusaka je 26 kilometrow zdalene wot centruma.
W měsće knježi tropiska klima, při čimž je dla wysokeho połoženja chłódnišo hač w druhich tropiskich kónčinach. Přerězne temperatury leža při 7 do 24° C w juliju a 16 do 32° C w oktobrje. Dešćowy čas traje wot nowembra hač do měrca.
Sydlišćo załoži so hakle w zwisku z twarjenjom železniskeje čary w lěće 1905 wot europskich sydlerjow blisko staršeje afriskeje wsy a dósta swoje mjeno po tamnišim włodyce Lusakaa. Wot 1935 bě stolica britiskeje kolonije Sewjerneje Rhodesije. Z njewotwisnosću Sambije w lěće 1964 sta so ze stolicu noweje republiki a ze sydłom nowozałoženeje uniwersity.
Za čas apartheida bě Lusaka sydło južnoafriskeje wuswobodźenskeje organizacije African National Congress (ANC).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.