Košyna
měšćanski dźěl Złeho Komorowa From Wikipedia, the free encyclopedia
Košyna (delnjoserbsce Kóšyna, němsce Großkoschen) je měšćanski dźěl Złeho Komorowa w braniborskim dźělu Hornjeje Łužicy. Ma něhdźe 1500 wobydlerjow. Do Košyny słuša tež wjesny dźěl Košynka.
| ||
| město: | Zły Komorow | |
| zagmejnowanje: | 2001 | |
| wobydlerstwo: | 1524 | |
| wysokosć: | 106 metrow n.m.hł. | |
51.49514.059444444444106 | ||
| póstowe čisło: | 01968 | |
| předwólba: | 03573 | |
 Košynska cyrkej | ||
wikidata: Košyna (Q162664) | ||
Košyna leži pod Košynskej horu (176,4 m) w juhowuchodnym dźělu Złeho Komorowa blisko saksko-braniborskeje hranicy. Wona leži při Čornym Halštrowje mjez Lejnjanskim a Złokomorowskim jězorom.
Košyna załoži so jako serbski nawsowc pod Košynskej horu a naspomni so prěni raz pisomnje w lěće 1408 w danjowym lisće.
W běhu industrializacije srjedźneje Łužicy přez natwar brunicoweje industrije kónc 19. lětstotka a z tym zwjazanym přićahom němskorěčnych dźěłaćerjow z druhich kónčin zhubi so serbšćina w dotal hišće poměrnje serbskej holanskej wjesce spěšnje. Posledni rěčnicy Košynskeje warianty Złokomorowskeje narěče buchu w 1960tych lětach wot rěčespytnikow přepytowani.
Hač do zagmejnowanja dnja 31. decembra 2001 tworješe Košyna samostatnu gmejnu.
Wobydlerstwo
Po Mukowej Statistice Łužiskich Serbow měješe Košyna w lěće 1884/85 cyłkownje 441 wobydlerjow, z kotrychž rěčeše 440 serbsce.[1] Arnošt Černik zwěsći w lěće 1954 serbskorěčny podźěl wobydlerstwa wot jenož hišće 8,1 %, mjez nimi žadyn jenički serbskorěčny młodostny.[2]
Bazaltownja na Košynskej horje
Słónčny časnik na brjohu Złokomorowskeho jězora
Pomnik za padnjenych Prěnjeje swětoweje wójny
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
