![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9e/Satellitenfoto_Karpaten.jpg/640px-Satellitenfoto_Karpaten.jpg&w=640&q=50)
Karpaty
horiny w srjedźnej, wuchodnej a juhowuchodnej Europje / From Wikipedia, the free encyclopedia
Karpaty (pólsce a słowaksce Karpaty, ukrainsce Карпати [Karpaty], rumunsce Carpați, južnoserbsce Карпати/Karpati) su wjelhoriny w srjedźnej, wuchodnej a juhowuchodnej Europje. Wone tworja přez 1300 kilometrow dołhi a 100–350 kilometrow šěroki wobłuk, kotryž saha wot zapadneje Słowakskeje přez Pólsku, Ukrainu a Rumunsku hač do wuchodneje Serbiskeje.
![Thumb image](http://upload.wikimedia.org/wikipedia/commons/thumb/9/9e/Satellitenfoto_Karpaten.jpg/640px-Satellitenfoto_Karpaten.jpg)
Najwyši masiw Karpatow su Wysoke Tatry při słowaksko-pólskej hranicy z najwyšim wjerškom Gerlachovský štít (2655 metrow); slěduje Făgăraș w Rumunskej z horu Moldoveanu (2544 metrow).
Wažne rěki, w Karpatach so wužórlace, su (ze zapada do wuchoda): Morawa, Wisła, San, Už, Tysa, Dnjestr, Prut a Seret.
Wosebje w srjedźnych a južnych Karpatach su hišće zwěrjata žiwe, kotrež su w druhich kónčinach Europy hižo wotemrěty, kaž na přikład bruny mjedwjedź, rys a wjelk.