Jurij Koch narodźi so 1936 jako syn skałarja w Hórkach. Po wopyće ludoweje šule w Chrósćicach (1942–1947) běše wón šuler na serbskim gymnaziju we Warnoćicach (1947–1949). Po tym wopyta wón Serbsku wyšu šulu w Budyšinje (1950–1952) a Choćebuzu (1952–1954), hdźež maturu złoži.
Mjez 1954 do 1956 běše Jurij Koch redakcionelny sobudźěłaćer młodźinskeho časopisa Chorhoj měra a tydźenika Nowy Casnik. Na Lipšćanskej Karla Marxowej uniwersiće studowaše wón wot 1956 do 1960 žurnalistiku. Wot lěta 1960 běše wón kulturny redaktor w serbskej rozhłosowej redakciji Choćebuskeho sćelaka Radio DDR. W lěće 1965 wotzamkny wón dalokostudij při Dźiwadłowej wysokej šuli w Lipsku. Jurij Koch běše dołholětny předsyda Koła serbskich spisowaćelow a dźěła wot lěta 1976 jako swobodnje skutkowacy. Dźensa bydli wón w Choćebuskim měšćanskim dźělu Žylow. Jeho dźowka je serbska žurnalistka Anja Kochojc.
Jurij Koch wuznamjeni so trójce z Literarnym mytom Domowiny (1964, 1969 a 1973) a dwójce z Mytom Ćišinskeho, kotryž so jemu 1968 w kolektiwje a 1974 wosobinsce spožči. Jemu spožčitej so w lěće 1983 Myto Carla Blechena města Choćebuza a 1992 Literarne myto Wobswět Sewjerorynsko-Westfalskeje.
Měrćinowy miksmaks z myšacym motorom. LND, Budyšin 1988. (němsceDie rasende Luftratte oder wie der Mäusemotor erfunden wurde. Kinderbuchverlag, Berlin 1987.)
Augenoperation. Verlag Neues Leben, Berlin 1988. (1990 pod titulom Schattenrisse w Spectrum-Verlag Stuttgart a 1993 w Dt. Tschenbuch-Verlag, München.)
Rosinen im Kopf. Altberliner Verlag, Berlin 1988. (Španisce Pasitas de uva en la cabeza: una historia increíble pero cierta. Altberliner Verlag, Berlin 1988.)
Návrat snov. 1988.
Sestup z hor snů. 1988.
Wšitko, štož ja widźu. LND, Budyšin 1989.
Golo a Logo abo Mazuch w Podgoli. Kriminalne powědančko, LND, Budyšin 1990.
W pěsku steji nowa wjeska. LND, Budyšin 1991. (němsceDas Sanddorf. LND, Budyšin 1991.)
Ha lećała je módra wróna. Report, LND, Budyšin 1991.
Jubel und Schmerz der Mandelkrähe. LND, Budyšin 1992.
Kokot Jurko z čerwjenym pjerom. 1993.
Daj mě, Jurko, jadnu štucku. LND, Budyšin 1994.
Štó da kradnje złote zuby? Krimi, 1996.
Golo und Logo. LND, Budyšin 1998. (němsceGolo und Logo. Fischer-Taschenbuch-Verlag, Frankfurt am Main 1996.)
Koče slěbro. Roman, LND, Budyšin 2000.
Jakub und das Katzensilber. LND, Budyšin 2001.
Złoty palc. Wjeselohra, 2006.
Na kóncu dnja. Powědančko, LND, Budyšin 2008. (němsceAm Ende des Tages Domowina-Verlag, Bautzen 2009.)