![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/56/Izera_01.jpg/640px-Izera_01.jpg&w=640&q=50)
Jizera
přitok Łobja w Čěskej / From Wikipedia, the free encyclopedia
Jizera (němsce Iser, pólsce Izera) je srjedźoeuropska rěka, kotraž ćeče na sewjeru Čěskeje. Wužórli so w Jizerskich horinach při horje Smrk njedaloko pólskeje mjezy a běži potom hłownje do južneho směra. Po 164 kilometrach so wuchodnje Prahi blisko městačka Lázně Toušeň wotprawa do Łobja wuliwa.
Zakładne fakty
![]() Horni běh rěki w Jizerskich horinach | |
ćeče přez | Čěsku |
žórło | w Jizerskich horinach (50° 52′ 57″ S, 15° 17′ 13″ W50.882515.286944444444 ) |
wuliw | blisko Lázně Toušeň do Łobja (50° 10′ 22″ S, 14° 42′ 56″ W50.17277777777814.715555555556 ) |
dołhosć | 164 km |
přestrjeń rěčiny | 2193 km² |
Začinić
Mjeno rěki pochadźa prawdźepodobnje – kaž mjena Isar, Ijssel (Nižozemska) abo Isère (Francoska) – wot stareho indogermaniskeho zdónka is abo es za „běžacu wodu“.
Wažne města při Jizerje su Semily, Turnov, Mnichovo Hradiště a Mladá Boleslav.