Jiłocy
wjes w Budyskim wokrjesu, gmejnski dźěl Budestec From Wikipedia, the free encyclopedia
wjes w Budyskim wokrjesu, gmejnski dźěl Budestec From Wikipedia, the free encyclopedia
Jiłocy (prjedy tež Jiłojcy; němsce Eulowitz) su hornjołužiska wjes z 308 wobydlerjemi[2] w juhu Budyskeho wokrjesa, kotraž słuša z lěta 2002 ke gmejnje Budestecy. Jiłocy su jenički gmejnski dźěl, kotryž w oficielnym serbskim sydlenskim rumje njeleži. Namakaja so při Sprjewi mjez Budestecami a Kumwałdom a wobsteja z Delnich, Hornich a Nowych Jiłoc, při čimž maja Hornje Jiłocy serbske přimjeno Pakostnica.
| |||||
gmejna: | Budestecy | ||||
zagmejnowanje: | 2002 | ||||
wobydlerstwo: | 308 (31. decembra 2022)[1] | ||||
wysokosć: | 240–320 metrow n.m.hł. | ||||
51.11194444444414.456944444444240–320 | |||||
póstowe čisło: | 02692 | ||||
předwólba: | 035938 | ||||
wotwodźene słowa: |
| ||||
wikidata: Jiłocy (Q19608780) |
Wjeska naspomni so prěni raz w lěće 1419 jako Ilewitz.[3] Ležownostne knjejstwo měješe we 18. lětstotku Chróstawske ryćerkubło. We 1880tych mějachu Jiłocy po statistice Arnošta Muki cyłkownje 245 wobydlerjow, z nich 175 Serbow (71 %) a 70 Němcow.[4] Arnošt Černik zwěsći w lěće 1956 serbskorěčny podźěl wobydlerstwa wot jenož hišće 10,4 %.[5] Ewangelscy wobydlerjo přisłušeja Budestečanskej wosadźe.
Michał Rostok naliči 1887 slědowace serbske ležownostne mjena: Hromadnik, Bahna, Truby (= Tryby), Sosanka, Wachhórka (Wachhübel), Wowča hora, Na Brězoncy, Pjeńčina, Šěroka, Dubinki, Dołki, Jězor, Valtynec doły, Ptače bahna.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.