![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/62/Mittelslawischeburg.jpg/640px-Mittelslawischeburg.jpg&w=640&q=50)
Hrodźišćo (twarjenje)
From Wikipedia, the free encyclopedia
Hrodźišćo je zažnostawizniski abo srjedźowěkowski zemjowy twar, kotryž słuži škitej a zakitowanju wobsydlenych městnow. W něhdy słowjanskich kónčinach wuchodneje Němskeje kaž tež w serbskej Łužicy mjenuja so tute wobtwjerdźenja němsce zwjetša Schanze.
![Thumb image](http://upload.wikimedia.org/wikipedia/commons/thumb/6/62/Mittelslawischeburg.jpg/640px-Mittelslawischeburg.jpg)
Jako městno za twarjenje hrodźišćow wuzwolichu so zwjetša hižo strategisce přihódnje połožene dypki kaž na přikład přirodne hórki, skały abo – w bahnojtych kónčinach kaž na přikład w Radušu – suche kupy. Tam natwarichu so potom zemske nasypy, kiž buchu husto z drjewjanymi płotami zesylnjene.
Hrodźišća su w našej kónčinje swojeje wulkosće dla zwjetša jeničke swědki prastawizniskeho a zažneho słowjanskeho wobsydlenja.
Dla jich wulkeho wuznama za ludnosć buchu wjacore sydlišća pomjenowane po hrodźišćach, kaž na přikład Hrodźišćo pola Wósporka, Groźišćo (Sonnewalde) w Braniborskej, Gröditz w Mišnjanskim wokrjesu, Groitzsch pola Lipska abo tež Hrodźiško (Protschenberg) w Budyšinje a hora Hrodźišćo (Rotstein) pola Lubija.