Hrodźiško
hora w Budyšinje From Wikipedia, the free encyclopedia
hora w Budyšinje From Wikipedia, the free encyclopedia
Hrodźiško (němsce Protschenberg) je pomjenowanje hórki na zapadnej stronje hłubokeho Sprjewineho doła w Budyšinje, nad Židowom napřećo staremu městu a Budyskemu hrodej. Wono je wuběrne wuhladnišćo na stare město.
Na hórce namakaše so hrodźišćo Łužiskeje kultury z bronzoweje doby (1100–900 do Chr.). Tute bě prěnje wobtwjerdźenje we wokolinje dźensnišeho měšćanskeho centruma, hakle pozdźišo so jadro Budyšina a stejišćo hrodu na wuchodny pobrjóh přepołoži. Serbske mjeno hač do dźensnišeho na to dopomina.
Na Hrodźišku bu w lěće 1789 nowe gmejnske pohrjebnišćo za Židow a wokolinu poswjećene, kotrež dósta w lěće 1884 kapałku. Na pohrjebnišću nadeńdźe so mjez druhim Smolerjec swójbny row z rowami Jana Arnošta Smolerja, Marka Smolerja a Jana Cyža kaž tež rowy komponista Jurja Winarja a rěčespytnikow Rudolfa a Helmuta Jenča.
Skłonina Hrodźiška je městno jutrowneho jejkakulenja.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
