![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/26/Bundesarchiv_B_285_Bild-04413%252C_KZ_Auschwitz%252C_Einfahrt.jpg/640px-Bundesarchiv_B_285_Bild-04413%252C_KZ_Auschwitz%252C_Einfahrt.jpg&w=640&q=50)
Holocaust
ludomordarstwo nacionalsocialistiskeje Němskeje w Druhej swětowej wójnje / From Wikipedia, the free encyclopedia
Jako holocaust (ze starogrjekskeho ὁλόκαυστος holókaustos, „dospołnje spalene“; tež Shoah z hebrejskeho הַשּׁוֹאָה ha'Schoah, „katastrofa“) woznamjenja so nacionalsocialistiske ludomordarstwo europskich Židow za čas Druheje swětoweje wójny, při čimž buchu mjez 5,6 a 6,3 milionow Židow zamordowani. Němcy a jeho pomocnicy wuwjedźechu jón wot 1941 do 1945 systematisce a wot 1942 tež z industrielnymi metodami ze zaměrom, wšěch Židow w němskim knjejstwowym pasmje zničić. Tute najwjetše organizowane złóstnistwo w stawiznach čłowjestwa měješe swój zakład w statnje propagowanym antisemitizmje a wotpowědnym rasistiskim zakonjedawstwje nacionalsocialistiskeje Němskeje. Rozsud za zamordowanje wšěch Židow steješe we wuskim zwisku z nadpadom Němskeje na Sowjetski zwjazk w juniju 1941.
![Thumb image](http://upload.wikimedia.org/wikipedia/commons/thumb/2/26/Bundesarchiv_B_285_Bild-04413%2C_KZ_Auschwitz%2C_Einfahrt.jpg/640px-Bundesarchiv_B_285_Bild-04413%2C_KZ_Auschwitz%2C_Einfahrt.jpg)
Najwjetši podźěl woporow pochadźeše z 1939 resp. 1941 wobsadźeneje Pólskeje (wokoło tři miliony) a z wobsadźenych kónčin Sowjetskeho zwjazka (mjez jednej a dwěmaj milionomaj).