Herbert Cerna

Herbert Cerna (němsce Herbert Zerna; * 9. septembra 1905 na Górach, † 24. oktobra 1955 w Popojcach) bě delnjoserbski teologa a pedagoga. Wón je znaty jako domiznowědnik a režiser domiznowědnych filmow.

Žiwjenje

Cerna pochadźa ze serbsko-němskeje swójby. Jeho nan Měrćin Cerna bě wot lěta 1902 z wučerjom na Górach. Po wopyće Choćebuskeho gymnazija studowaše Herbert w Jenje, Tübingenje a Hali teologiju. Po studiju sta so najprjedy z wikarom při wosadnej cyrkwi w Bórkowach. Wot 1937 do 1945 skutkowaše jako farar w Jähnsdorfje we wuchodnej Delnjej Łužicy (dźensnišich Janiszowicach w Pólskej). Po Druhej swětowej wójnje přewza w lěće 1945 farske městno w Nowej Niwje a 1949 sta so z Popojčanskim fararjom.

Herbert Cerna skutkowaše jako domiznowědnik a wozjewješe wuslědki toho dźěła w Choćebuskich nowinach. Jeho ćežišća běchu serbske nałožki a tradicije kaž tež městnostne a ležownostne mjena a jich woznam. Wón bě z režiserom pola wjacorych wot lěta 1930 sem nahratych krótkofilmow, kotrež zaběrachu so ze žiwjenjom na dwurěčnych wsach Choćebuskich kónčin. Jeho w lěće 1931 napisana dźiwadłowa hra Moja domizna předstaji so w Choćebuzu a we wjacorych delnjołužiskich wjeskach.

Twórby

• Dolnoserbska drastwa, 1929/30, 3 mjeńšiny, režija zhromadnje z Vladimírom Zmeškalom
• Dolna Łužyca, 1929/30, 6 mjeńšin, režija zhromadnje z Vladimírom Zmeškalom
• Serbski swěźen we Wětošowje, 1930, 10 mjeńšin, režija zhromadnje z Vladimírom Zmeškalom
• Kulowska gmejna, 1930/31, 8 mjeńšin
• Moja domizna, młodźinska dźiwadłowa hra

Wotkaz

• Serbski institut: Biografien zur sorbischen Volkskunde (Biografije k serbskej ludowědźe) na serbski-institut.de (němsce)