![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/eb/Bundesarchiv_Bild_146-1994-034-22A%252C_Heinrich_L%25C3%25BCbke.jpg/640px-Bundesarchiv_Bild_146-1994-034-22A%252C_Heinrich_L%25C3%25BCbke.jpg&w=640&q=50)
Heinrich Lübke
němski politikar a zwjazkowy prezident / From Wikipedia, the free encyclopedia
Heinrich Lübke (* 14. oktobra 1894 w Enkhausenje; † 6. apryla 1972 w Bonnje) bě němski politikar (Centrum, pozdźišo CDU), kotryž bě wot 1953 do 1959 pod kanclerom Adenauerom zwjazkowy minister za zežiwjenje, ratarstwo a lěsnistwo a wot 1959 do 1969 jako naslědnik Theodora Heussa druhi prezident Zwjazkoweje republiki Němska. Za njeho bě wuwićowa pomoc hłowna tema jeho prezidentstwa. Tak wopytowaše nimoměrje wjele wuwićowych krajow w Africe a Aziji.
![Thumb image](http://upload.wikimedia.org/wikipedia/commons/thumb/e/eb/Bundesarchiv_Bild_146-1994-034-22A%2C_Heinrich_L%C3%BCbke.jpg/320px-Bundesarchiv_Bild_146-1994-034-22A%2C_Heinrich_L%C3%BCbke.jpg)
![Podpismo Heinricha Lübkeho](http://upload.wikimedia.org/wikipedia/commons/thumb/3/32/Signatur_Heinrich_L%C3%BCbke.svg/170px-Signatur_Heinrich_L%C3%BCbke.svg.png)
Lǘbke bě wot lěta 1926 jednaćel towarstwa Deutsche Bauernschaft a wot 1932 do 1933 za Centrumowu stronu čłon pruskeho krajneho sejma. Po kóncu Druheje swětoweje wójny zastupi do CDU a bě wot oktobra 1946 čłon sewjerorynsko-westfalskeho krajneho sejma. Wot 1947 bě tam krajny minister za zežiwjenje, ratarstwo a lěsnistwo. Wot 1949 do 1950 a znowa wot 1953 do 1959 bě z čłonom němskeho zwjazkoweho sejma.