![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9c/Frankenrechen.svg/langhsb-640px-Frankenrechen.svg.png&w=640&q=50)
Frankowska
region w južnej Němskej / From Wikipedia, the free encyclopedia
Frankowska (serbsce tež Frankska, němsce Franken) je region w Němskej. Nadeńdźe so na sewjeru Swobodneho stata Bayerskeje, na juhu Durinskeje a na samym sewjerowuchodźe Badensko-Württembergskeje a hodźi so přez specifiske kulturne a rěčne wosebitosće wot wokolnych kónčin rozeznawać. Frankowska wotpowěduje we hłownym rěčnemu teritorijej wuchodofrankowskich dialektow a ma něhdźe pjeć milionow wobydlerjow.
![Thumb image](http://upload.wikimedia.org/wikipedia/commons/thumb/9/9c/Frankenrechen.svg/640px-Frankenrechen.svg.png)
![Thumb image](http://upload.wikimedia.org/wikipedia/commons/thumb/b/b5/Franken_Region_Uebersicht.png/640px-Franken_Region_Uebersicht.png)
Historisce jedna so wo wuchodny kónc sydlenskeho teritorija frankowskich kmjenow a Frankowskeho mócnarstwa w srjedźowěku. Zasydlenje Frankow nad Mohanom zahaji so w 6. lětstotku. Na sewjerowuchodźe, při Solawje, mjezowaše frankowski teritorij ze serbskim. Za čas noworjadowanja južnoněmskich statow přez Napoleona přińdźe najwjetši dźěl Frankowskeje pod bayerske knjejstwo.