![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/24/German_Foreign_Minister_Steinmeier_Delivers_Remarks_Before_Secretary_Kerry_Receives_the_Order_of_Merit_in_Berlin_%252831327004151%2529.jpg/640px-German_Foreign_Minister_Steinmeier_Delivers_Remarks_Before_Secretary_Kerry_Receives_the_Order_of_Merit_in_Berlin_%252831327004151%2529.jpg&w=640&q=50)
Frank-Walter Steinmeier
němski politikar (SPD) / From Wikipedia, the free encyclopedia
Frank-Walter Steinmeier (* 5. januara 1956 w Detmoldźe) je němski politikar Socialdemokratiskeje strony Němskeje (SPD) a wot 19. měrca 2017 dwanaty zwjazkowy prezident Němskeje. Wot 17. decembra 2013 hač do 27. januara 2017 bě k druhemu razej wonkowny minister Němskeje w kabineće Merkel III. Do toho bě wot 2009 do 2013 jako frakciski předsyda SPD w zwjazkowym sejmje wjednik opozicije.
![Thumb image](http://upload.wikimedia.org/wikipedia/commons/thumb/2/24/German_Foreign_Minister_Steinmeier_Delivers_Remarks_Before_Secretary_Kerry_Receives_the_Order_of_Merit_in_Berlin_%2831327004151%29.jpg/640px-German_Foreign_Minister_Steinmeier_Delivers_Remarks_Before_Secretary_Kerry_Receives_the_Order_of_Merit_in_Berlin_%2831327004151%29.jpg)
Hižo wot 2005 do 2009 bě z němskim wonkownym ministrom a zdobom wot 2007 do 2009 wicekancler Němskeje. Wot 1999 do 2005 skutkowaše pod Gerhardom Schröderom jako šef kanclerskeho zarjada. Při wólbach za zwjazkowy sejm w lěće 2009 bě kanclerski kandidat SPD.
Frank-Walter Steinmeier přisłuša ewangelsko-reformowanej cyrkwi, je woženjeny a ma jednu dźowku.
Dnja 12. februara 2017 bu wot zwjazkoweje zhromadźizny za 12. zwjazkoweho prezidenta woleny. 13. februara 2022 bu w zastojnstwje wobkrućeny.