![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/72/Stra%25C3%259Fendorf.svg/langhsb-640px-Stra%25C3%259Fendorf.svg.png&w=640&q=50)
Dróhowc
wjesna sydlišćowa forma / From Wikipedia, the free encyclopedia
Dróhowc abo pućowc je wjesna sydlišćowa forma a słuša k rjadowcam. Wona je po srjedźnej Europje daloko rozšěrjena. Při mjeńšich wjeskach z krótšimi pućemi – hasami – rěči so tež wo hasowcu.
![Thumb image](http://upload.wikimedia.org/wikipedia/commons/thumb/7/72/Stra%C3%9Fendorf.svg/170px-Stra%C3%9Fendorf.svg.png)
Porno nawsowcam njezałožichu so statoki a ležownosće kołowokoło nawsy, ale podłu wobchadneho puća. Statoki abo domske nadeńdu so při tym bjezposrědnje při dróze, mjeztym zo rozpřestrěwaja so ležownosće za statokami.
We Łužicy namakamy typiske dróhowcy předewšěm w holi (na přikład Koćina, Nowa Wjes pola Kulowa, Nowe Město/Sprjewja, Wulka Nydej). Po němskej kolonizaciji załožene wsy we Łužiskich horach su dróhowcam podobne, charakterizuja so pak zwjetša jako łanowc (n př. Wjazońca, Kumwałd).