Bukečanska cyrkej
barokna žurlowa cyrkej z wěžu; wuznam za twarske a wjesne stawizny / From Wikipedia, the free encyclopedia
Bukečanska cyrkej je ewangelsko-lutherska cyrkej w Bukecach w Budyskim wokrjesu. Wona słuži Bukečanskej ewangelskej wosadźe w cyrkwinskim wobwodźe Budyšin-Kamjenc ewangelskeje krajneje cyrkwje w Sakskej. Wona słuša k mało ewangelskim cyrkwjam, hdźež so sčasami tež dźensa hišće serbsce prěduje.
![Thumb image](http://upload.wikimedia.org/wikipedia/commons/thumb/4/4a/Kirche_Hochkirch.jpg/170px-Kirche_Hochkirch.jpg)
Stary Bukečanski kěrchow z někotrymi serbskim narownymi pomnikami, mjez druhim wot Kita Lorenca, nadeńdźe so wokoło cyrkwje, mjeztym zo leži wo wjele wjetše nowe pohrjebnišćo kusk zdalene do wuchodneho směra. Tež tu so někotre serbske narowne kamjenje namakaja, mjez druhim wot Lubjenskec a Zobic swójbow. Na starym kěrchowje nadeńdu so tež stare Bukečanske zwony ze serbskimi napisami.
Ewangelska cyrkej w Bukecach steji jako kulturny pomnik pod škitom.