Brigitte Bierlein

Brigitte Bierlein (* 25. junija 1949 we Wienje) je awstriska juristka, wustawowa sudnica a politikarka. Po wotwołanju zwjazkoweho kanclera Sebastiana Kurza bu wona wot prezidenta Van der Bellena pomjenowana za zwjazkowu kanclerku republiki Awstriskeje. Wona bě prěnja žona w tutym zastojnstwje a předsteješe přechodnemu knježerstwu hač k wutworjenju noweho knježerstwa po dočasnych wólbach w nazymje 2019 dnja 7. januara 2020.

Brigitte Bierlein jako prezidentka Wustawoweho sudnistwa w lěće 2018

Do toho bě Bierlein wot 1990 do 2003 generalna rěčnica při generalnej prokuraturje Wyšeho sudnistwa, wot 2003 do 2018 wiceprezidentka Wustawoweho sudnistwa republiki Awstriskeje a wot 23. februara 2018 hač do 2. junija 2019 jeho prezidentka. We woběmaj funkcijomaj skutkowaše wona jako prěnja žona.

Wotkazaj

 Commons: Brigitte Bierlein – Zběrka wobrazow, widejow a awdiodatajow

• Bundeskanzlerin Brigitte Bierlein na webstronje zarjada zwjazkoweho kanclera (němsce)

Zwjazkowi kanclerojo Awstriskeje (2. republiki)

Karl Renner (1945) | Leopold Figl (1945–53) | Julius Raab (1953–61) | Alfons Gorbach (1961–64) | Josef Klaus (1964–70) | Bruno Kreisky (1970–83) | Fred Sinowatz (1983–86) | Franz Vranitzky (1986–97) | Viktor Klima (1997–2000) | Wolfgang Schüssel (2000–07) | Alfred Gusenbauer (2007/08) | Werner Faymann (2008–16) | Reinhold Mitterlehner (2016) | Christian Kern (2016/17) • Sebastian Kurz (2017–19) • Brigitte Bierlein (2019/20) • Sebastian Kurz (2020/21) • Alexander Schallenberg (2021) • Karl Nehammer (2021– )