wjes w Budyskim wokrjesu; gmejnski dźěl Bukec From Wikipedia, the free encyclopedia
Błócany (prjedy tež Błóćany,[2] němsce Plotzen) su wjes na juhowuchodźe wuchodosakskeho wokrjesa Budyšin a słušeja ke Bukečanskej gmejnje. Leža 276 m nad mórskej hładźinu we wuchodnym dźělu Hornjołužiskich honow.
| |||||
gmejna: | Bukecy | ||||
zagmejnowanje: | 1993 | ||||
wobydlerstwo: | 92 (31. decembra 2022)[1] | ||||
přestrjeń: | 1,88 km² | ||||
wysokosć: | 276 metrow n.m.hł. | ||||
51.13722222222214.595276 | |||||
póstowe čisło: | 02627 | ||||
předwólba: | 035939 | ||||
wotwodźene słowa: |
| ||||
Błócanski hród w 1850tych lětach | |||||
wikidata: Błócany (Q160858) |
Susodne wjeski su Kołwaz na sewjeru, Wujezd na wuchodźe, Lejno na juhu, Žornosyki na juhozapadźe a Nowe Koporcy na sewjerozapadźe.
Michał Rostok naliči 1887 slědowace serbske ležownostne mjena w Błócanach: W Pólskej, Na Hrabšku, Na Bódlinje, Jězory, Na Pjeńčinje.[3]
Po sydlišćowej formje jedna so wo rozšěrjeny hasowc. Prěnje historiske naspomnjenje jako Blozayn pochadźa z lěta 1374. Ležownostne knjejstwo wukonješe zdźěla Budyska měšćanska rada a zdźěla ryćerkubło we wjesce samej. Cyrkwinsce słušeja Błócany ze starodawna do Bukečanskeje wosady.[4]
W lěće 1884 měješe wjes po Mukowej statistice 165 wobydlerjow, mjez nimi 128 Serbow (78 %).[5] Arnošt Černik zwěsći 1956 serbski podźěl wobydlerstwa wot jenož hišće 37 %.[6]
Hač do lěta 1993 běchu Błócany samostatna gmejna, do kotrejež słušachu wot lěta 1957 gmejnske dźěle Kołwaz, Lejno a Žornosyki.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.