Algirdas Butkevičius (* 19. nowembra 1958 w Paežeriai pola Šeduvy) je litawski socialdemokratiski politikar a bě wot decembra 2012 hač do nowembra 2016 z ministerskim prezidentom Litawskeje. Wot 7. měrca 2009 je předsyda Litawskeje socialdemokratskeje strony a bě jeje kandidat při prezidentowych wólbach w meji samsneho lěta. Do toho bě wot nowembra 2004 do meje 2005 minister financow a wot 2006 do 2008 wobchadny minister. Wot 1996 je bjez přestawki zapósłanc litawskeho sejma.
![Thumb](http://upload.wikimedia.org/wikipedia/commons/thumb/b/bb/Algirdas_Butkevi%C4%8Dius.jpg/320px-Algirdas_Butkevi%C4%8Dius.jpg)
Wón je studowany hospodarski inženjer za twarstwo a dźěłaše hač do lěta 1990 jako twarski nawoda a měšćanski architekt. 1991 zastupi do nowozałoženeje Socialdemokratiskeje strony, po tym zo bě wot 1985 do 1988 skrótka z čłonom Komunistiskeje strony. Wot 1997 do 1999 a znowa wot 2001 je čłon stronskeho předsydstwa.
Algirdas Butkevičius je woženjeny a ma jednu dźowku. Jeho syn wumrě 2008 při wobchadnym njezbožu.
Wotkaz
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.