stolica Etiopiskeje From Wikipedia, the free encyclopedia
Addis Abeba (tež Addis Ababa, amharsce አዲስ ፡ አበባ - „nowa kwětka“) je stolica a najwjetše město wuchodoafriskeho kraja Etiopiskeje. Leži w srjedźišću kraja we wysokosći wot 2.200 do 3.000 metrow nad hładźinu morja pod horu Entoto a je tuž po Quito (Ekwador) a Sucre (Boliwiska) třeće najwyše ležaca stolica na swěće. Addis Ababa ma wokoło 3,3 miliony wobydlerjow a je politiske, hospodarske a zarjadniske srjedźišćo Etiopiskeje kaž tež sydło centrale Afriskeje unije (AU).
| ||
Zakładne daty | ||
---|---|---|
stat | ![]() | |
wysokosć | 2.355 metrow n.m.hł. | |
přestrjeń | 530,14 km² | |
wobydlerstwo | 3.352.000 (2016) | |
hustosć zasydlenja | 63,2 wob./km² | |
webstrona | addisababacity.gov.et | |
Sydlišćo załoži so hakle w nowembrje 1886 w bliskosći rezidency krala Menelika II., kotrehož hłowne lěhwo steješe tehdy na horje Entoto. Tam dosć městna za załoženje noweje stolicy njebě, tak zo ju w dolinje pod horu załožichu. W lěće 1892 dósta město swoje mjeno. 1905 załoži so prěnja banka, 1908 prěnja šula, 1910 prěnja chorownja a 1911 prěnja ćišćernja. Kino mějachu w měsće hižo wot lěta 1898.
Dla wysokosći a bliskosći k ekwatorej je klima w etiopiskej stolicy powšitkownje miła, z přerěznymi maksimalnymi temperaturami mjez 21 (julij, awgust) a 25 °C (měrc, apryl, meja) a minimalnymi temperaturami mjez 5 (nowember, december) a 11 °C (julij, awgust). Wob lěto maja přerěznje 123 dešćikojtych dnjow, předewšěm mjez aprylom a septembrom.
Addis Abeba ma mjezynarodne lětanišćo a wot lěta 1950 tež uniwersitu.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.