Łusk
wjes w Budyskim wokrjesu; dźěl Wósporka From Wikipedia, the free encyclopedia
Łusk (němsce Lauske) je hornjołužiska wjes z něhdźe 160 wobydlerjemi na wuchodźe Budyskeho wokrjesa, kotraž słuša z lěta 1994 k městu Wóspork.
| |||||
| město: | Wóspork | ||||
| zagmejnowanje: | 1957 (do Kotec) | ||||
| wobydlerstwo: | 145 (31. decembra 2023)[1] | ||||
| přestrjeń: | 3,63 km² | ||||
| wysokosć: | 178–193 metrow n.m.hł. | ||||
51.17305555555614.616666666667178–193 | |||||
| póstowe čisło: | 02627 | ||||
| předwólba: | 035876 | ||||
| wotwodźene słowa: |
| ||||
 Wěža na Łušćanskim hrodźišću | |||||
wikidata: Łusk (Q1808534) | |||||
.jpg)
Wjes leži w hornjołužiskich honach w 20 do 40 metrow hłubokej wužłobinje na kóncu Łušćanskeje skale, wudrjeńcy rěčki Kotołki, něhdźe 13 kilometrow wuchodnje Budyšina. Susodne wsy su Kotecy na sewjeru, Žarki za Słónčnej horu na sewjerowuchodźe, k Bukecam słušacy Čornjow na juhu a Rodecy na zapadźe.
Ležownostne mjena
Michał Rostok naliči 1887 slědowace serbske ležownostne mjena: Rjekwej (?), Nětošća, Harta, Klamerca, Słónca (=Schlunzenberg), Hrodźiško, Husaŕka, Wužłobje, Hłuboćicy, Stare krjo, Sypošće, Podleńca (=Pestilenzwiese), Róžowa, Młynowy, Rynawka (=doł ze žórłom), Sćeŕbowka.[2]
Južnje wsy, nad Kotołku, namakatej so starej serbskej hrodźišći, Łušćanske na zapadnych skałach a Čornjowske na wuchodnych. Łusk samón so k prěnjemu razej w lěće 1445 jako Lußk naspomni. Wjesne mjeno pochadźa wot serbskeho słowa łuh. Ležownostne knjejstwo měješe we wsy so namakace ryćerkubło, kotrež so 1455 prěni raz naspomni. Dnja 8. septembra 1707 přenocowaše šwedski kral Korla XII. na Łušćanskim hrodźe. Wot lěta 1776 přetworjachu Łušćansku skalu w nadawku kublerja Gottlieba Wilhelma von Bresslera do hrodoweho parka.
Po Mukowej statistice měješe Łusk we 1880tych lětach 322 wobydlerjow, mjez nimi 277 Serbow (86 %) a 32 Němcow.[3] Arnošt Černik zwěsći 1956 serbskorěčny podźěl wobydlerstwa Łušćanskeje gmejny wot jenož hišće 43,2 %.[4] Dźensa so we Łusku hižo serbsce njerěči.
W lěće 1925 bě mjez 235 wobydlerjemi 203 ewangelskich a 27 katolskich. Ewangelscy wěriwi přisłušachu znajmjeńša ze 16. lětstotka |Bukečanskej wosadźe, z lěta 1957 pak Kotečanskej.
Wot lěta 1921 mějachu Łušćenjo swoje serbske towarstwo z mjenom „Skała“.
- Jan Stoš (1810–88), serbski kowar, konserwatiwny nabožinski prócowar; rodźeny we Łusku
- Jurij Winger (1872–1918), serbski farar, spisowaćel a přełožowar; bydleše we Łusku
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
