From Wikipedia, the free encyclopedia
Łučna mědlina (Holcus lanatus) je rostlina ze swójby słódkich trawow (Poaceae).
Łučna mědlina (Holcus lanatus) | |
systematika | |
---|---|
Domena | Eukaryoty |
Swět | Rostlinstwo |
rjad: | (Poales) |
swójba: | Słódke trawy (Poaceae) |
podswójba: | Pooideae |
ród: | Mědlina[1][2] (Holcus) |
družina: | Łučna mědlina |
wědomostne mjeno | |
Holcus lanatus | |
L. | |
Łučna mědlina je trajne zelo, kotrež docpěwa wysokosć wot 30 hač do 100 cm. Rostlina je šěrozelena a z mjechkimi kosmami přikryta.
Stwjelca su často deleka zhibnjene.
Łopjena docpěwaja šěrokosć wot 3 hač do 8 mm. Jich kožički su trodlate a docpěwaja dołhosć wot 2 mm.
Kćěje wot junija hač do julija (awgusta). Kćenja steja w často čerwjenojće přeběžanych pakićach z dołhosću mjez 6 a 12 cm, kotrež jenož za čas kćěwa su čumpaće rozšěrjene, hewak hromadu ćehnjene. Kłóski su tróšku splacnjene a docpěwaja dołhosć wot 4 hač do 5 mm. Přikrywne pluwizny su běłojte, horjeka čerwjenojte a na šipje a na kromje mikawčkate. Krywne pluwizny su běło błyšćace, při čimž te muskich kćenjow krótki kocht njesu.
Rosće na włóžnych łukach a pastwach, w lěsnych zahonach a w swětłych lěsach.
Rostlina je w Europje rozšěrjena.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.