Łućo
wotbagrowana wjes w gmejnje Hamor From Wikipedia, the free encyclopedia
Łućo (němsce Merzdorf)[1] bě wjes we Wojerowskim wokrjesu a sydło gmejny ze samsnym mjenom. W lěće 1978 bu za Bjerwałdsku jamu wotbagrowana.
Wjes ležeše sewjernje Delnjeho Wujězda a južnje Bjerwałda w Hornjołužiskej holi. Na zapadźe ćečeše rěka Sprjewja nimo Łuća a při sewjernej kromje Łućanskich ležownosćow Jamnowska rěčka. Kubło steješe na zapadźe Łuća a kěrchow běše při křižowanišću wosrjedź wsy.
Prěnje historiske naspomnjenje jako Merteinsdorf[2] pochadźa z lěta 1418. Ležownostne knjejstwo měješe w 17. lětstotku Wujězdźanske a we 18. lětstotku Manjowske ryćerkubło. Posledni wobsedźer ryćerkubła a cyłkownje 336 hektarow bě Georg Gierth, kiž bu přez rólnu reformu po kóncu Druheje swětoweje wójny wuswojeny.[3]
Hač do lěta 1978 bě Łućo samostatna gmejna, wot 1957 z wjesnymaj dźělomaj Bjerwałd a Šepšecy.
Wobydlerstwo
Po Mukowej statistice z lětow 1884/85 rěčachu tehdy 217 wot cyłkownje 226 Łućanow serbsce.[4] W cyłej Łućanskej wosadźe chodźachu tehdy 436 wosadnych k serbskej a jenož 38 k němskej spowědźi.[5]
Arnošt Černik zwěsći w lěće 1956 hišće serbskorěčny podźěl wobydlerstwa wot 53 %.[6]
Stara Łućanska cyrkej (1611–1934)
Nowa cyrkej (1934/35–1977/79)
Wosobiny
- Křesćan Leonhardi (1672–1742) – farar, spisaćel; rodźeny we Łuću
- Bohačesć Bjedrich Ponich (1761–1826) – farar, załožer Ponichoweje knihownje; 1809–1826 we Łućo
- Korla Jan Smoler (1791–1848) – wučer; 1812–1823 we Łuću
- Korla Benjamin Hatas (1806–1839) – farar a basnik; rodźeny we Łuću
- Jan Arnošt Smoler (1816–1884) – filolog, spisowaćel, nakładnik a organizator narodneho žiwjenja; rodźeny we Łuću
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
