Łomsk (Njeswačidło)
wjes w Budyskim wokrjesu, gmejnski dźěl Njeswačidła From Wikipedia, the free encyclopedia
Łomsk (němsce Lomske) je mała wjeska z 21 wobydlerjemi[2] w hornjołužiskim wokrjesu Budyšin. Słuša ke gmejnje Njeswačidło a leži 168 m nad mórskej hładźinu. Hač do lěta 1936 běše samostatna gmejna z wjesnym dźělom Liša Hora.
| |||||
| gmejna: | Njeswačidło | ||||
| zagmejnowanje: | 1936 | ||||
| wobydlerstwo: | 21 (31. decembra 2022)[1] | ||||
| wysokosć: | 168 metrow n.m.hł. | ||||
51.26694444444414.299444444444168 | |||||
| póstowe čisło: | 02699 | ||||
| předwólba: | 035933 | ||||
| wotwodźene słowa: |
| ||||
 Powětrowy wobraz (2018) | |||||
wikidata: Łomsk (Q160851) | |||||
Susodne wjeski su Njeswačidło na wuchodźe, Nowe Bóšicy a Wětrow (gmejna Bóšicy) na juhu a Liša Hora na zapadźe.
W holi sewjerozapadnje Łomska, na městnje, kotrež runje tak Łomsk rěka, nadeńdźe so někak 30 rowow z bronzoweje doby. Dźensniša wjeska – po sydlišćowej formje kulowc – naspomni so pak prěni raz hakle w lěće 1511 jako Lombschitz, pozdźišo hač susodne wsy.[3] Sydom lět po tym mjenuje so wěsty Lumpschk jako knježe sydło. Mjeno pochadźa wot staroserbskeho słowa łom za swětlinu w holi abo powšitkownje za městno, hdźež žane štomy njesteja.
Hač do lěta 1841 steješe wjeska pod knjejstwom Njeswačanskeho kubła, kotrež měješe tule sčasami wudwór. Potom tworještej Łomska a Liša Hora samostatnu wjesnu gmejnu, doniž njebuštej w lěće 1936 do Njeswačidła zagmejnowanej.
Dnja 25. apryla 1942 zamordowachu nacionalsocialisća při křižowanišću w lěsu sewjernje Łomska pólskeho nućenca Stanisława Błażejczuka. 2018 bu jemu wopomnjenski kamjeń stajeny.[4]
Wobydlerstwo a rěč
W lěće 1884 měješe wjes po Mukowej statistice 72 wobydlerjow, z nich 71 Serbow (99 %).[5] 1925 bě wot cyłkownje 61 wobydlerjow 51 ewangelskich, kiž přisłušachu Njeswačanskej wosadźe.
Po ludličenju w lěće 2011 bydlachu we wsy 18 wobydlerjow w přerěznej starobje wot 56,3 lět (Sakska: 46,4).[6] Tuž bě Łomsčanske wobydlerstwo najstarše w Njeswačanskej gmejnje.
Jako kulturnej pomnikaj škitanej stej kamjentnej pućnikaj z 19. lětstotka před chěžkomaj Łomsk čo. 8 a čo. 9.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
