wjes w Budyskim wokrjesu, gmejnski dźěl Ralbic-Róžanta From Wikipedia, the free encyclopedia
Łazk (němsce Laske) je wjeska ze 74 wobydlerjemi[2] w srjedźišću hornjołužiskeho wokrjesa Budyšin. Słuša wot lěta 1994 ke gmejnje Ralbicy-Róžant a leži 138 m nad mórskej hładźinu při Klóšterskej wodźe w serbskich Delanach. Hač do lěta 1957 bě Łazk samostatna gmejna, po tym najprjedy wjesny dźěl Smjerdźaceje a wot 1974 dźěl Róžeńčanskeje gmejny.
|
Tutón zapisk zaběra so z hornjołužiskej wjesku blisko Ralbic. Za delnjołužisku wjes ze samsnym mjenom hlej Lask. |
| ||
gmejna: | Ralbicy-Róžant | |
zagmejnowanje: | 1957 (do Smjerdźaceje) | |
wobydlerstwo: | 74 (31. decembra 2023)[1] | |
wysokosć: | 138 metrow n.m.hł. | |
51.30111111111114.229166666667138 | ||
póstowe čisło: | 01920 | |
předwólba: | 035796 | |
Stołp we Łazku | ||
wikidata: Łazk (Q160421) |
Susodne wjeski su Šunow na sewjeru, Ralbicy na wuchodźe, Róžant na juhu a Smjerdźaca na zapadźe. Bliski Łazkowski niwowy lěs je přirodoškitne pasmo.
Prěnje historiske naspomnjenje kulowca jako Laske pochadźa z lěta 1417. W lěće 1568 bě Łazk sydło ryćerkubła, kotrež wukonješe tehdy tež ležownostne knjejstwo we wsy. 1616 kaž 1777 słušeše pak do wobsydstwa klóštra Marijineje hwězdy. Cyrkwinsce bě wjeska do wutworjenja Ralbičanskeje wosady w lěće 1716 zafarowana do Chrósćic.[3]
W lěće 1884 měješe Łazk po Mukowej statistice 74 wobydlerjow, kiž běchu bjez wuwzaća Serbja.[4] Arnošt Černik zwěsći 1956 serbski podźěl wobydlerstwa wot 89 %.[5]
Drježdźanski moler Fritz Tröger (1894–1978) měješe tu wot lěta 1936 swoju druhu domiznu a ateljej na wsy.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.