From Wikipedia, the free encyclopedia
Čorny woblěd (Hyoscyamus niger) je rostlina ze swójby wrónidłowych rostlinow (Solanaceae).
 | |
| Čorny woblěd (Hyoscyamus niger) | |
| systematika | |
|---|---|
| Domena | Eukaryoty |
| Swět | Rostlinstwo |
| Asteridy Euasteridy I | |
| rjad: | (Solanales) |
| swójba: | Wrónidłowe rostliny (Solanaceae) |
| ród: | Woblěd[1][2] (Hyoscyamus) |
| družina: | Čorny woblěd |
| wědomostne mjeno | |
| Hyoscyamus niger | |
| L. | |
Čorny woblěd je žałzojće kosmate, njepřijomnje wonjace, jednolětne abo dwulětne zelišćo, kotrež docpěje wysokosć wot 20 hač do 80 cm. Rostlina njepřijomnje ćehnje.
Stołpiki su zrunane, tupohranite a jednory abo rozhałuzowane.
Měnjate łopjena su owalne, jako zaliw zubate, dołhojće-jejkojte a na nerwach kosmate. Wone docpěja dołhosć wot 10 hač do 20 cm. Hornje łopjena stołpik wobpřimuja.
Kćěje wot junija hač do oktobra. Mutnje žołte, wioletnje žiłkate kćenja su zwonojte a docpěja wulkosć wot 2 hač do 3 cm. Wone su w klamje čerwjenowioletne a po wjacorych steja we rozporach srjedźnych a hornich łopjenow. Króna je likojta a docpěje dołhosć wot 2 hač do 3 cm a šěrokosć wot hač do 2 cm. Keluch njese pjeć kałacych zubkow.
Płody su karančkojte kapsle, kotrež so z wěčkom puknu.
Łopjena a symjenja wobsahuja skopolamin a atropin.
Rosće na drjebiznje, pustych płoninach a rolach wobkopankow. Ma radšo na prawym měrje suche, na dusyku bohate pódy na słónčnych stejnišćach.
Rostlina je w Europje, w sewjernej Africe a Indiskej rozšěrjena.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
