From Wikipedia, the free encyclopedia
Čeburaška (rusce: Чебурашка poskać ? / i) je wumyslene barikojte zwěrjatko ze cymtbarbnym kožuchom, hoberskimaj wušomaj, miłym mjezwočom z wulkimaj dobroćiwymaj wokomaj; dźe na zadnimaj nohomaj a ma staturu kaž pjećlětne dźěćo. Wot lěta 1965 wustupuje w powědkach Eduarda Uspenskeho, ale tež w dźiwadłowych kruchach a trikowych filmach, spisanych wot Sojuzmultfilma a inscenowanych wot Romana Kačanova. W poslednje mjenowanych je Leonid Švarcman dźensa najbóle znaty napohlad figury wuhotował, kotryž dósta swój hłós wot Klary Rumjanoveje.
Čeburaška je so w jara wulkim měsće wot sadarja w importowanym kašćiku z oranžemi namakał. Najskerje je z tropow přišoł a jědši oranže je tam znutřka wusnył. Sadar jeho do zwěrjenca njese, ale tam nochcedźa jeho akceptować, dokelž je zwěrjo we wědomosći cyle njeznate. Potom přińdźe k butikarjej zo by we wukładnym woknje dźěłał a bydli w telefonowej budce. Jako samotny krokodil Gena z pomocy anonsy přećelow pyta, so wón a Čeburaška zeznajomitaj a hromadźe wostanjetaj.
Hačrunjež su wosoby a objekty po činje typiske za Sowjetsku, so pak njepostaji, wo kotry kraj dźe. Krokodil Gena bydli w jara wulkim měsće a dźěła kaž krokodil w zwěrjencu. Škodopřejna wowka Šapoklak ze šćurojtej Larisku woběmaj złe kluby čini.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.