Čěski móst
wobłukowy móst přez Sprjewju z přirodnych kamjenjow; wuznam za techniske a twarske stawizny a napohlad krajiny From Wikipedia, the free encyclopedia
Čěski móst (němsce Böhmische Brücke) je kamjentny wobłukowy móst přez Sprjewju w Hornjej Hórce a najznaćiši twarski pomnik tuteje hornjołužiskeje gmejny. Wón bu w lěće 1724 natwarjeny a steji jako kulturny pomnik pod škitom. Móst bě dźěl tak mjenowaneje Čěskeje šćežki z Budyšina přez Łužiske hory do Prahi, zwotkelž ma tež swoje mjeno.
Stilizowany móst je tež wobstatk Hornjohórčanskeho wopona.
Móst, kiž steji njedaloko moderneho mosta statneje dróhi S 114, ma dwaj njerunaj wobłukaj. Cyłkownje je něhdźe 35 metrow dołhi, při čimž je wjetši wobłuk 11,22 metrow šěroki a mjeńši 7,18 metrow. Srjedźna zepěra je 3,58 metrow šěroka a zesylnjena napřećo rěce. Móst je 4,5 metrow šěroki, z toho 3,5 metrow za jězdnju. Jako material wužiwachu zornowc resp. granodiorit, typisku kamjeniznu hornjołužiskich horow z lokalnych skałow.
Čěski móst steji wosrjedź Hornjeje Hórki na Małodebsečanskich honach blisko Wjelečanskeje dróhi. Přez móst wjedźe turistiska čara „Łužiski had - Hornja Łužica (zapad)“. Nimo njeho wjedźe na sewjernym brjoze rěki Sprjewina kolesowarska šćežka.
Móst na dopisnicy z lěta 1899
Jězdnja
Wjetši wobłuk
Wobłoženje
Hornjohórčanski wopon
51.12862214.411511
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
