George Washington
From Wikipedia, the free encyclopedia
From Wikipedia, the free encyclopedia
George Washington (1731-ngièn 2-ngie̍t 11-ngit – 1799-ngièn 12-ngie̍t 14-ngit), 1775-ngièn chṳ 1783-ngièn Mî-koet Thu̍k-li̍p Chan-châng sṳ̀ chhṳ̍t-mìn thi-kiûn ke chúng-sṳ̂-lin, 1789-ngièn sṳ̀n-vì Mî-koet thi 1 ngim Chúng-thúng, chhai chiap-lièn lióng-kài sién-kí chûng tû tet-liáu chhiòn-thí sién-kí-thòn mò-yi-ngi kî-chhṳ̀, yit-chhṳ̍t tâm-ngim chúng-thúng chhṳ̍t-to 1797-ngièn.
George Washington | |
---|---|
![]() | |
Thi 1 ngim Mî-koet chúng-thúng | |
Ngim-khì 1789-ngièn 4-ngie̍t 30-ngit – 1797-ngièn 3-ngie̍t 4-ngit | |
Fu chúng-thúng | John Adams |
Ki-ngim | John Adams |
ke-ngìn chṳ̂-sín | |
Chhut-se |
![]() | 1731-ngièn 2-ngie̍t 11-ngit
Ko-sṳ̂n |
1799-ngièn 12-ngie̍t 14-ngit![]() | (68-se)
Koet-kâ |
![]() |
Chṳn-tóng | Mò-tóng-sit |
Chhiâm-miàng |
![]() |
Washington chó-ngièn chhai Fap-koet lâu Yin-thi-ôn-ngìn Chan-châng chûng chên tâm-ngim kî-chhṳ̀ Thai-Yîn Ti-koet yit-fông ke chhṳ̍t-mìn-kiûn kiûn-kôn. Chṳ̂ heu chhai Mî-koet Thu̍k-li̍p Chan-châng chûng sut-liâng thai-liu̍k kiûn-thòn yàng-tet Mî-koet thu̍k-li̍p, kì khî-chhie̍t Kiûn-sṳ Chṳn-khièn ke thì-ngi, chhai 1783-ngièn fì-to kì chhai Vì-nùng-sân ke chông-yèn fì-fu̍k phìn-mìn sâng-fa̍t.
1787-ngièn, Washington chú-chhṳ̀ Chṳ-hièn Fi-ngi. Fi-ngi chṳ-thin liáu hien-chhai ke Mî-koet Hèn-fap. 1789-ngièn, kì kîn-ko chhiòn-thí sién-kí-thòn mò yi-ngi ke kî-chhṳ̀ yì sṳ̀n-vì Mî-koet thi-yit ngim Chúng-thúng. Kì chhai lióng-kài ke ngim-khì chûng sat-li̍p liáu hí-tô chhṳ̀ -sa to kîm-hâ ke chṳn-chhet lâu chhòn-thúng. Chhai lióng-kài ngim-khì kiet-suk heu, kì chhṳ-ngien piong-hi khièn-li̍t put chai mèu-khiù sa-ngim.
Kì pan-yên liáu Mî-koet thu̍k-li̍p chan-châng lâu kien-koet chûng chui chhùng-yeu ke kok-set, Washington thûng-sòng pûn chhṳ̂n-vì Mî-koet koet-fu. Ho̍k-chá chiông kì lâu Abraham Lincoln lie̍t-vì Mî-koet li̍t sṳ́ sông chui ví-thai ke Chúng-thúng.