臺灣客語通用拼音

　　臺灣客語通用拼音（Thòi-vân Hak-ngî Thûng-yung Phîn-yîm），做得簡單安到客語通用拼音，係一種為臺灣客家語注音嘅拼音。為到撈漢語拼音接軌，最後臺灣部門乜推出臺灣客家語拼音方案，並最終取代矣通用拼音。在2003年2月到分客家語拼音正式取代之前邇段時間，通用拼音係為臺灣客家語注音嘅一套較為常見嘅系統，並分臺灣教育部門採用。撈臺灣客家語拼音方案、白話字等共樣嘅係，通用拼音乜主要係用來標注苗栗四縣腔同海陸腔^{[注 1]}邇兜主流腔調嘅。

歷史

　　1998年，余伯泉領導嘅小組擬定通用拼音，為臺灣各語言注音，客家語通用拼音屬於其中之一。2000年，世界名著《小王子》分翻譯做客語，當中就用到矣通用拼音^[1]。2001年出版嘅《臺灣客家話辭典》也採用通用拼音^[2]。到矣2003年2月，中華民國教育部在客語部份採用矣邇套台灣客語通用拼音方案^[3]。2009年，臺灣採用撈大陸共樣嘅漢語拼音，為到撈邇套拼音接軌，有關部門修正矣部分客語通用拼音，使到其成為臺灣客家語拼音方案。

今下

　　2009年後，通用拼音分客家語拼音方案中嘅拼音取代，乜就係講，從介時開始一直到今下，用來注音嘅拼音（如《客家語》教材）一般毋再使用通用拼音。

拼音符號

子音

聲母

		雙唇音		唇齒音		齒齦音		齦後音		齦顎音	硬顎音	軟顎音		聲門音
		清音	濁音	清音	濁音	清音	濁音	清音	濁音	清音	濁音	清音	濁音	清音
鼻音			m [m] ㄇ				n [n] ㄋ				ngi [ɲ] ㄬ		ng [ŋ] ㄫ
塞音	不送氣	b [p] ㄅ	bb [b] ㆠ			d [t] ㄉ						g [k] ㄍ		（不標） [ʔ]
	送氣	p [pʰ] ㄆ				t [tʰ] ㄊ						k [kʰ] ㄎ
塞擦音	不送氣					z [ʦ] ㄗ		zh [ʧ] ㄓ		zi [ʨ] ㄐ
	送氣					c [ʦʰ] ㄘ		ch [ʧʰ] ㄔ		ci [ʨʰ] ㄑ
擦音				f [f] ㄈ	v [v] ㄪ	s [s] ㄙ		sh [ʃ] ㄕ	rh [ʒ] ㄖ	si [ɕ] ㄒ				h [h] ㄏ
邊音							l [l] ㄌ

• bb做得用在詔安腔、南投國姓鄉撈部分南部客家地區。
• zi、ci、si單淨用於四縣腔。
• zh、ch、sh、rh用於大埔、海陸、饒平、詔安等四腔；雖然使用ㄓ、ㄔ、ㄕ、ㄖ但發音時舌頭放平，撈國語翹舌音有並別。
• h嘅國音ㄏ為[x]，毋同於客語嘅[h]。

入聲韻尾

	雙唇音	齒齦音	軟顎音
鼻音	-m [m]	-n [n]	-ng [ŋ]
塞音	-p [p̚] ㆴ	-t [t̚] ㆵ	-k [k̚] ㆶ

母音

	前元音	央元音	後元音
閉元音	i [i] ㄧ	ii [ɨ] ㆨ	u [u] ㄨ
半閉元音	e [e] ㆤ		er [ɤ] ㄜ	o [o] ㄛ
半開元音	ee [ɛ] ㄝ		oo [ɔ] ㆦ
開元音	a [a] ㄚ

• ee[ɛ] 、oo[ɔ]單淨用在詔安腔。
• er[ɤ]用在海陸、饒平二腔。

聲調

調名	符號	備註
高平調	a	似一聲
低升調	á	似二聲
低平調	a	似三聲
中降調	à	似四聲
低入調	ak	似三聲，但短促
高入調	ak	似一聲，但短促
中平調	ā	介於一聲和三聲之間，新竹腔專用

注釋

1. 四縣腔撈海陸腔邇兩種腔調係臺灣客家語肚嘅強勢腔調

參考資料

1. 《客家話小王子》，徐兆泉譯，臺北市：南天書局有限公司，2000年
2. 《臺灣客家話辭典》，徐兆泉編，臺北市：南天書局有限公司，2001年
3. 台灣客語通用拼音使用手冊. 中華民國教育部. 2003.11.

外背个鏈接

• 台灣客語通用拼音方案
• 中華民國教育部 臺灣客家語推薦用字(第1批)
• 臺灣客家語拼音輸入法
• 臺灣客家語常用詞辭典
• 客語字典
• 臺灣客語詞彙資料庫

相關文章

• 客家語
• 白話字
• 客家話拼音方案
• 臺灣客家語拼音方案