Sniaul
y slieau s'yrjey ayns Mannin From Wikipedia, the free encyclopedia
Ta Sniaul (ny Sniaull ny y Slieau Mooar; Baarle: Snaefell) y slieau s'yrjey as yn ynrican mullagh ny s'yrjey na 2,000 trieghyn (610 m) ayns Mannin as eh 620 m (2,034 tr) er yrjid. Ec mullagh y clieau ta stashoon traenagh, thie ooree, as kuse dy chroanyn çhellinsh ry-gheddyn.
| Sniaul | |
|---|---|
| Snaefell | |
 | |
| Boayl s'yrjey | |
| Yrjid | 2,037 ft (621 m) |
| Yrjid chonastagh | 2,037 ft (621 m) |
| Moir-veinn | moir-veinn erbee – y boayl s'yrjey ayns Mannin |
| Rolley | Marilyn, Hardy |
| Co-ordnaidyn | 54°15′47.8″N 04°27′41.8″W |
| Towshanyn | |
| Enmys | |
| Çhyndaays Gaelg | slieau sniaghtee |
| Çhengey yn ennym | Shenn Loghlynish |
| Çheer-oaylleeaght | |
  Sniaul Soiaghey Sniaul ayns Mannin | |
| Soiaghey | Mannin |
| Ingagh OS | SC397881 |
| Caslys-çheerey boayl-oaylleeagh | OS Landranger 95 |
| Creg-oaylleeaght | |
| Drappal | |
 | |
Reayrtyn
Ta shennockle ry-chlashtyn ayns Mannin graa dy vel shey reeriaghtyn ry-akin veih mullagh Sniaul er laa glen: Mannin, Sostyn, Nerin, Nalbin, Bretyn as Niau.[1] Ta lhiegganyn ennagh cur shiaghtoo reeriaght lesh y çhennockle: Reeriaght Manannán, (ny yn Vooir).[2]
Ta leac er y vullagh taishbyney soiaghey conastagh queig buill veih Sniaul as nyn voddeeaghtyn:
Drappal y slieau
She Raad-Yiarn Sniaul y çhirveish tram lectragh imbee, veih Mee Averil gys Mee Yerrey Fouyir, ta drappal ny kiare meeilaghyn veih Laksaa gys y vullagh.
Ta'n A18 (Raad Volley) goll harrish liargee Sniaul, as t'eh ny rheynn s'yrjey jeh Coorse y Clieau, cooid jeh Ratçhyn TT Ellan Vannin. Dy mennick ta shooilleyderyn jannoo ymmyd jeh'n charrlann er y raad shoh faggys da stashoon traenagh y Vungalow (y stashoon traenagh jerrinagh roish y vullagh). Ta cassan garroo goll veih'n voayl shoh gys y vullagh. Ta rheynnyn dy gharvel, dy chlaghyn sclate, dy faiyr, as dy chreg er y vollagh. Ga dy vel y bollagh girree ny s'eaynee er gerrey da'n vullagh, cha nel greienys drappal er lheh ry-laccal. Ansherbee, ta arrey goll er laccal er ny rheynnyn s'eaynee myr dy mennick ta ny rheynnyn faiyragh, creggagh, as crayee feer shliawinagh. Foddee yn drappeyder drappal y slieau er cassan çhirrym ayns 45 minnidyn dy meanagh.
Ta cowrey geodesagh, ta jeenysit 'syn obeel choncraidagh veg, taishbyney feer vullagh y clieau. Ta'n leac fysseree gleiyit er baare y charn creggagh ry-laue.
Imraaghyn
Galleree
Kianglaghyn magh
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
