From Wikipedia, the free encyclopedia
She craueeaght un-jeeagh Abrahamagh eh yn Islam (Arabish: الإسلام al-ʾislām fockley magh 'syn Arabish: [ælʔɪsˈlæːm]). Ta'n Islam bunnit er fockley yn Qur'an, as y teks shen coontit ec y lught eiyrtyssagh echey myr goo firrinagh Jee (الله Allāh), as er ynseeyn as sampleyr (y Sunnah, as eh jeant seose jeh Hadith) Mahommad. Ta'n lught eiyrtyssagh coontey Mohammed myr faihder jerrinagh Jee. She Moslymagh yn ennym ta currit er dooinney eiyrtyssagh yn Islam.
Ta Moslymee credjal dy nee jee ynrick, slane as neuchosoylagh eh Jee as dy nee graihaghey as tendeil Jee cooish y vea. Ta Moslymee credjal dy nee yn Islam y lhieggan slane as co-chadjin jeh credjue bunneydagh hie er ny haishbyney dooin dy mennick as ayns ram buill, goaill stiagh trooid Abraham, Moses as Yeesey, as ny tree fir shen coontit myr faihderyn. T'ad cummal seose yn eie dy row mee-vaght currit er ny çhaghteraghtyn as ny h-ashlishyn roish shoh, as dy vel 'sy Qur'an goo neu-cheaghlit as jerrinagh Jee. Ta cliaghtaghyn as smooinaghtyn crauee yn Islam goaill stiagh queig colloonyn yn Islam as goaill rish leigh yn Islam. She smooinaghtyn bunneydagh as aghtyn bunneydagh yn ooashlaghey t'ayn ayns ny queig colloonyn, as ta leigh yn Islam bentyn er begnagh dagh ayrn jeh'n theihll as jeh'n çheshaght, goaill stiagh y vankeyraght, lhiass, y caggey as y çhymmyltaght.
Ta'n chooid smoo jeh Moslymee goll er rheynn magh ayns daa ard-rheynnyn: yn Islam Sunni as yn Islam Shia. Ta'n chooid smoo jeh Moslymee cummal 'syn Aishey Yiass, 'sy Niar Meanagh as 'syn Affrick, as ta Moslymee ry-gheddyn 'sy Çheen, 'sy Roosh as ayns mooar-rheynn America. Ta mysh 1.57 billioon Moslymee ayn 'sy theihll, as, rere shen, t'eh ny nah chraueeaght smoo er y theihll.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.