From Wikipedia, the free encyclopedia
She straih hellveeish yee-launyssagh Americaanagh eh The Handmaid's Tale va crooit ec Bruce Miller as bunnit er y lioar fo'n ennym cheddin voish 1985 liorish yn ughtar Canadagh Margaret Atwood. Va'n straih currit ayns oardagh liorish y çhirveish stroo Hulu myr oardagh jeeragh-gys-straih va jeant ass 10 episode. Hoshee gientyn y straih ayns 2016 jeianagh. Ta'n skeeal goaill stiagh jee-launys lurg aa-chaggey theayagh ayns ny Steatyn Unnaneysit raad ta sheshaght ooilley smaghtagh smaghtaghey mraane troaragh, ta enmyssit "inneenyn meyl" ny Handmaiden, as cur ad ayns slaueaght torraghys.[3]
The Handmaid's Tale | |
---|---|
| |
Shaanrey | doo-skeeal,[1][2] jee-launys |
Crootagh | Bruce Miller |
Bunnit er | The Handmaid's Tale |
Aghteyryn |
Elisabeth Moss Joseph Fiennes Yvonne Strahovski Alexis Bledel Madeline Brewer Ann Dowd O-T Fagbenle Max Minghella Samira Wiley Amanda Brugel Bradley Whitford Sam Jaeger |
Çheer ghooghys | Steatyn Unnaneysit America |
Çhengey vunneydagh | Baarle |
Earroo straihyn | 5 |
Earroo episodeyn | 56 |
Ard-ghienteyder |
Bruce Miller Warren Littlefield Reed Morano Daniel Wilson Fran Sears Ilene Chaiken Elisabeth Moss Mike Barker Eric Tuchman Yahlin Chang Sheila Hockin John Weber Frank Siracusa Dorothy Fortenberry |
Gienteyder |
Margaret Atwood Elisabeth Moss Nina Fiore |
Boayl gientyn |
Ard Toronto Mooar as Hamilton Washington, D.C. |
Traa roie | 41–65 minnid |
Colught gientyn | MGM Television |
Rheynneyder |
Hulu HBO Max |
Scaalheaneyder bunneydagh | Hulu |
Y chied skeaylley | 26 Averil 2017 - jiu |
hulu.com… |
Hie yn chied tree episode jeh'n straih magh er skeaylley er 26 Averil 2017; hie ny shiaght episode elley magh er skeaylley dagh Jecrean ny yei. Ayns Jerrey Souree 2019, hie yn straih er ny aanoaghey son y chiarroo straih, as hie yn chied episode jeh magh er 27 Averil 2021.[4] Ayns Mean Fouyir 2019, v'eh fogrit magh dy row Hulu as MGM lhiassaghey straih eiyrtyssagh vees bunnit er noaskeeal Atwood voish 2019, The Testaments.[5] Va'n straih aanoit ayns Mee ny Nollick 2020 roish y chied episode jeh'n chiarroo straih.
Chossyn y chied straih jeh The Handmaid's Tale hoght aundyr Emmy ass 13 enmyssaght, goaill stiagh aundyr son y Straih Drama Ard-yindyssagh. T'eh ny chied chlaare liorish Hulu ren cosney aundyr mooar chammah's y chied straih er shirveish stroo ren cosney Emmy son Straihyn Ard-yindyssagh.[6] Chammah's shen, ren eh cosney Aundyr Golden Globe son y Straih Hellveeish Share - Drama. Ren Elisabeth Moss cosney aundyr Primetime Emmy son yn Aghteyr Bwoirrin Toshee Share ayns Straih Drama as aundyr Golden Globe son yn Aghteyr Bwoirrin Share ayns Straih Drama Hellveeish.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.